Atlas sang Biblia
Ang “See the Good Land” isa ka detalyado nga atlas sang Biblia. Puede mo ini gamiton para sa imo maid-id nga pagtuon sa Biblia. Mabasa mo sa Biblia ang parte sa madamo nga lugar, siudad, kag kadutaan. Puede mo gamiton ang atlas para ma-enjoy ang imo pagbasa sing Biblia kag ang pagtuon sini. Ang “See the Good Land” makabulig sa imo nga maimadyin kag matultulan ang mga lugar diin natabo ang isa ka kasaysayan sa Biblia. Makabulig man ini sa imo nga maintiendihan kon ano ang koneksion sang mga lugar sa mga hitabo sa Biblia.
Ang “See the Good Land” may colored nga mga mapa kag mga tsart sang sarisari nga mga lugar sa Biblia. Ining atlas sang Biblia may mga diagram man, computer rendering, kag iban pa nga mga feature nga makabulig para ma-enjoy mo pa gid ang imo pagtuon sing Biblia.
Mabuligan ka sining atlas sang Biblia nga
maintiendihan ang paglakbay nanday Abraham, Isaac, kag Jacob
makita ang gin-agyan sang mga Israelinhon sang naggua sila sa Egipto pakadto sa Ginsaad nga Duta
makumparar ang lokasyon sang Israel sa lokasyon sang ila mga kaaway
makita ang mga lugar nga ginpangkadtuan ni Jesus sang nagbantala sia
maintiendihan kon daw ano kalapad ang mga emperyo nga ginsambit sang Biblia pareho sang Babilonia, Gresya, kag Roma
Mabuksan mo ining libre nga atlas sang Biblia sa Watchtower ONLINE LIBRARY.
Basi Manamian Ka Man
BULIG SA PAGTUON SA BIBLIA
Teksto sa Sini nga Adlaw
Ang Pag-usisa sa Kasulatan Adlaw-adlaw, pareho sa isa ka daily devotional, may malip-ot nga teksto halin sa Biblia para sa kada adlaw kag may malip-ot nga komento sa sina nga teksto.
BULIG SA PAGTUON SA BIBLIA
Encyclopedia sang Biblia
Ang Insight on the Scriptures may linibo ka topiko. Nalakip sa sini ang parte sa mga tawo, lugar, tanom, sapat, importante nga hitabo, kag mga tinaga nga gingamit sa Biblia. Nalakip sa ma-download nga bersion sini nga encyclopedia ang mapa, piktyur, kag tsart, pati man ang indese sang mga topiko kag mga teksto.
BULIG SA PAGTUON SA BIBLIA
Sumaryo sang Biblia
Ang brosyur nga Ang Biblia—Ano ang Mensahe Sini? isa ka sumaryo sang Biblia para maintiendihan ang tema sang Biblia.