Ano ang Ginharian sang Dios?
Ang sabat sang Biblia
Ang Ginharian sang Dios isa ka matuod nga gobierno nga gintukod ni Jehova nga Dios. “Ang ginharian sang Dios” ginatawag man sa Biblia nga “ginharian sang langit” bangod nagagahom ini halin sa langit. (Marcos 1:14, 15; Mateo 4:17) May pagkapareho ini sa mga gobierno sang tawo, pero mas labaw ini sa tanan nga aspekto.
Manuggahom. Gintangdo sang Dios si Jesucristo subong Hari sang Ginharian kag ginhatagan sia sing awtoridad nga labaw sa kay bisan sin-o nga gumalahom nga tawo. (Mateo 28:18) Ini nga gahom ginagamit lamang ni Jesus para sa kaayuhan, kay napamatud-an na niya nga isa sia ka masaligan kag maluluy-on nga Lider. (Mateo 4:23; Marcos 1:40, 41; 6:31-34; Lucas 7:11-17) Sa panuytoy sang Dios, nagpili si Jesus sing mga tawo halin sa tanan nga pungsod nga makaupod niya sa langit kag ‘magagahom sa duta subong mga hari.’—Bugna 5:9, 10.
Kalawigon sang paggahom. Indi pareho sa gobierno sang tawo nga nagabuslanay, ang Ginharian sang Dios “dili gid malaglag.”—Daniel 2:44.
Sakop. Ang bisan sin-o nga nagahimo sang kabubut-on sang Dios mahimo mangin sakop sang Ginharian sang Dios, bisan ano man ang iya rasa ukon ginhalinan.—Binuhatan 10:34, 35.
Kasuguan. Ang mga kasuguan (ukon mga sugo) sang Ginharian sang Dios wala lamang nagadumili sang sayop nga mga buhat. Ginabuligan man sini ang mga sakop nga mangin mas maayo nga mga tawo. Halimbawa, ang Biblia nagasiling: “‘Higugmaon mo si Jehova nga imo Dios sa bug-os mo nga tagipusuon kag sa bug-os mo nga kalag kag sa bug-os mo nga hunahuna.’ Amo ini ang labing daku kag nahauna nga sugo. Ang ikaduha, nga kaangay sini, amo ini, ‘Higugmaon mo ang imo isigkatawo subong sang imo kaugalingon.’” (Mateo 22:37-39) Gani, ginauna sang mga sakop sini nga Ginharian ang kaayuhan sang iban bangod sang ila gugma sa Dios kag sa ila isigkatawo.
Edukasyon. Magluwas sa pagpahamtang sing mataas nga talaksan sa mga sakop sini, ginatudlo man sang Ginharian sang Dios kon paano malab-ot ini nga mga talaksan.—Isaias 48:17, 18.
Misyon. Sa Ginharian sang Dios, ang mga gumalahom wala nagapasulhay samtang nagaantos ang ila mga sakop. Kundi, himuon sini ang kabubut-on sang Dios, lakip ang promisa nga ang tanan nga nagahigugma sa iya magakabuhi sing dayon sa isa ka paraiso nga duta.—Isaias 35:1, 5, 6; Mateo 6:10; Bugna 21:1-4.
Basi Manamian Ka Man
IMPORTANTE NGA MGA PANUDLO SANG BIBLIA
Ano ang Ginharian sang Dios?
Sang diri sia duta, pirme ginatudlo ni Jesus ang parte sa Ginharian sang Dios. Madugay na nga ginapangamuyo sang iya mga sumulunod nga magkari ang Ginharian.
ANG LALANTAWAN
Sin-o ang Hari sang Ginharian sang Dios?
Ginsulat sang pila ka manunulat sang Biblia ang mga detalye parte sa isa nga mangin Hari sang Ginharian sang Dios. Sa bilog nga kasaysayan sang tawo, isa lang gid ang nagsigo sa sini nga diskripsion.
SABAT SA MGA PAMANGKOT SA BIBLIA
Ang Ginharian sang Dios Ara Bala sa Imo Tagipusuon?
Ano ang buot silingon sang ginasiling sang Biblia nga “ang paghari sang Dios ara mismo sa inyo”?
SABAT SA MGA PAMANGKOT SA BIBLIA
Ano ang Himuon sang Ginharian sang Dios?
Hibalua kon ano ang matabo sa paggahom sang gobierno sang Dios sa duta.
GINPAATHAG ANG MGA BERSIKULO SA BIBLIA
Ginpaathag ang Mateo 6:33—“Unaha Ninyo ang Pagpangita sang Ginharian sang Dios”
Buot silingon bala ni Jesus nga indi na kinahanglan sang mga Cristiano nga mag-obra para mabuhi?
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.