Momo idia laloa korosi be Keristani taudia ibounai edia maka ta. Ena be Iehova Ena Witnes Taudia be Keristani taudia, to edia tomadiho lalonai korosi idia gaukaralaia lasi. Dahaka dainai?

 Badina ta be Baibel ia hahedinaraia Iesu be korosi dekenai ia mase lasi, to ia be au maorona ta dekenai idia hamasea. To Baibel ese Keristani taudia ia hagania, “kaivakuku dainai umui naria namonamo,” anina be edia tomadiho lalonai korosi do idia gaukaralaia lasi.​—1 Korinto 10:14; 1 Ioane 5:21.

 Mai anina bada gauna be inai, Iesu ia gwau: “Unai amo taunimanima ibounai do idia diba umui be egu hahediba taudia, bema umui huanai lalokau ia noho.” (Ioane 13:34, 35) Iesu ia gwau iena murinai idia raka taudia momokanidia edia maka be ta ta dekenai lalokau korikorina idia hahedinaraia. Korosi o kaivakuku ta be Keristani taudia edia maka lasi.