Apokalupo—Ioane Ia Abia Herevana 6:1-17
-
Mamoe Natuna ese koua gaudia 6 ia kokia (1-17)
6 Bona lau itaia, Mamoe Natuna+ ese koua gaudia 7 amo ta ia kokia neganai,+ mauri gaudia 4 amo idia ta lau kamonai,+ ena gadona be guba ena boiboi bamona, ia gwau: “Mai!”
2 Vadaeni lau itaia, hosi kurokuro ta,+ bona ia latanai ia helai tauna be mai ena peva bona Dirava ese ia dekenai korona ta ia henia.+ Vadaeni ia lao bona ena inai taudia ia halusia, bena ia kwalimu.+
3 Mamoe Natuna ese koua gauna iharuana ia kokia neganai, lau kamonai mauri gauna iharuana+ ia gwau: “Mai!”
4 Hosi ma ta ia mai, ia be kakakaka, bona ia latanai ia helai tauna ese siahu ia abia, tanobada amo maino ia kokia totona, vadaeni taunimanima be ta ta do idia alaia. Bona ia ese tuari kaia badana ta ia abia.+
5 Bona Mamoe Natuna ese koua gauna ihatoina ia kokia neganai,+ lau kamonai mauri gauna ihatoina+ ia gwau: “Mai!” Vadaeni lau itaia, hosi koremana ta, bona ia latanai ia helai tauna ena imana ai sikele ta ia noho.
6 Gado ta lau kamonai, toana be mauri gaudia 4 edia huana amo ia mai, ia gwau: “Witi kwat* ta ena davana be denario* ta+ bona bali kwat toi ena davana be denario ta bona olive oela bona wain do oi gaukaralaia namonamo.”+
7 Mamoe Natuna ese koua gauna namba 4 ia kokia neganai, lau kamonai mauri gauna namba 4+ ia gwau: “Mai!”
8 Vadaeni lau itaia, hosi ta, ia be ielo bona ia latanai ia helai tauna ena ladana be Mase. Bona Mase Gurina* be ena murinai ia lao. Bona siahu idia abia tanobada ena kahana 4 amo kahana ta do idia biagua, bona do idia ala-ala tuari kaia latana ta amo, hitolo bada amo,+ gorere dikana amo, bona dagedage animal momo amo.+
9 Bona Mamoe Natuna ese koua gauna namba 5 ia kokia neganai, lau itaia boubou patana henunai+ be idia hamasea taudia* idia noho.+ Unai taudia be Dirava ena hereva idia badinaia bona edia haroro gaukara dainai idia hamasea.+
10 Unai taudia edia rara be idia boiboi badabada, idia gwau: “Siahu Ibounai Lohiabadana e, oi be helaga bona momokani,+ edena nega ai tanobada ai idia noho taudia do oi hahemaoro henia bona emai rara ena davana do oi haloua?”+
11 Bona Lohiabada ese idia ta ta dekenai dabua kurokuro ia henia+ bona idia ia hamaoroa nega sisina do idia laga-ani ela bona edia gaukara hebou taudia bona tadikaka edia namba ia guguru, bona taunimanima ese edia gaukara hebou taudia bona tadikaka do idia hamasea, guna idia danu idia hamasea hegeregerena.+
12 Bona lau itaia, Mamoe Natuna ese koua gauna namba 6 ia kokia neganai, tano mareremarere badana ia vara, bona dina ia korema, puse dabua* koremana bamona, bona hua be ia kakakaka, rara bamona,+
13 bona guba ena hisiu be tanobada dekenai idia moru, hegeregere lai badana ese fig au ia hamarerea bona mage lasi fig idia moru.
14 Bona guba ia lao, lokua toretore idia lokua bamona,+ bona ororo ibounai bona motumotu ibounai be edia gabu idia rakatania.+
15 Tanobada ena king taudia, bona dagi bada taudia, bona tuari biagudia, bona taga taudia, bona goada taudia, bona igui hesiai taudia ibounai bona ura kwalimu taudia ibounai be kohua lalonai bona ororo ena nadi badadia huanai idia hunia.+
16 Bona idia be ororo bona nadi badadia dekenai idia hereva noho: “Ai latanai umui moru+ bona ai umui hunia, terona latanai ia helai Diravana ena vairana amo+ bona Mamoe Natuna ena badu amo,+
17 badina edia badu dinana badana ia ginidae vadaeni,+ bona daika ia gini diba?”+
Futnout
^ Inai be edia rara ia herevalaia, boubou patana dekenai idia bubua. Diksenari ai, “Ne′phesh; Psy·khe′” itaia.
^ Reana nanigosi ena huina amo idia karaia dabua.
