Salamo 129:1-8
-
Lau idia dagedage henia, to idia kwalimu lasi
-
Siona ena inai taudia ia hahemaraia (5)
-
Daekau Lao Anena.
129 “Lau matamata negana amo idia ese nega ibounai lau idia dagedage henia,”+Namona be Israela taudia be unai bamona idia hereva lou,
2 “Lau matamata negana amo idia ese nega ibounai lau idia dagedage henia,+To idia kwalimu lasi.+
3 Haida ese lau idia kwadia bona egu doruna ia darea,+Tano geia tauna ese tano ia geia bamona.”
4 To Iehova be kara maoromaoro Diravana.+Ia ese kara dika taudia edia varo ia utua maragimaragi.+
5 Siona idia inai henia taudia ibounaiBe hemarai do idia abia bona do idia heau.+
6 Idia be guhi latanai idia noho ava bamona,Ia kakoro neganai idia kokia,
7 Unai ese witi utua tauna ena imana ia hahonua lasi,Eiava witi haboua tauna ena imana ia hahonua lasi.
8 Idia raka hanaia taudia be do idia gwau lasi:“Iehova ena hanamoa be umui latanai ia noho.Ai ese Iehova ena ladana dekenai umui ai hanamoa.”
