Salamo 136:1-26

  • Iehova ena lalokau be ia noho hanaihanai

    • Mai aonega ida guba bona tanobada ia karaia (5, 6)

    • Farao be Davara Kakakaka ai ia mase (15)

    • Dirava ese lalomanoka tauna ia laloatao (23)

    • Mauri gaudia ibounai dekenai aniani ia henia (25)

136  Iehova tanikiu henia, badina ia be namo.+Iena lalokau* be ia noho hanaihanai.+  2  Dirava ibounai ia hereaia Diravana tanikiu henia.+Iena lalokau be ia noho hanaihanai.  3  Lohiabada ibounai ia hereaia Lohiabadana tanikiu henia.Iena lalokau be ia noho hanaihanai.  4  Ia sibona ese hoa kara badadia ia karaia.+Iena lalokau be ia noho hanaihanai,+  5  Ia ese mai aonega ida guba gaudia ia karaia.+Iena lalokau be ia noho hanaihanai.  6  Ia ese ranu latanai tanobada ia atoa.+Iena lalokau be ia noho hanaihanai.  7  Ia ese diari badadia ia karaia.+Iena lalokau be ia noho hanaihanai.  8  Dina ia karaia, dina ai diari ia henia totona.+Iena lalokau be ia noho hanaihanai.  9  Hua bona hisiu ia karaia, hanuaboi ai diari idia henia totona.+Iena lalokau be ia noho hanaihanai. 10  Ia ese Aigupito ena vara guna natudia ia hamasea.+Iena lalokau be ia noho hanaihanai. 11  Ia ese Israela taudia be edia huana amo ia hakaua raka-lasi.+Iena lalokau be ia noho hanaihanai. 12  Imana goadana amo unai ia karaia.+Iena lalokau be ia noho hanaihanai. 13  Ia ese Davara Kakakaka be kahana rua dekenai ia hapararaia.+Iena lalokau be ia noho hanaihanai. 14  Ia ese davara huana amo Israela taudia ia hakaua lao.+Iena lalokau be ia noho hanaihanai. 15  Ia ese Farao bona ena tuari orea be Davara Kakakaka lalonai ia hamasea.+Iena lalokau be ia noho hanaihanai. 16  Ia ese tano kaukauna amo ena taunimanima ia hakaua lao.+Iena lalokau be ia noho hanaihanai. 17  Ia ese siahu bada king taudia ia halusia.+Iena lalokau be ia noho hanaihanai. 18  Ia ese king goadadia ia hamasea.Iena lalokau be ia noho hanaihanai. 19  Amoro taudia edia king, Sihona ia hamasea.+Iena lalokau be ia noho hanaihanai. 20  Basana ena king, Oga ia hamasea.+Iena lalokau be ia noho hanaihanai. 21  Ia ese edia tano be ahuna bamona ia henia.+Iena lalokau be ia noho hanaihanai. 22  Iena hesiai tauna Israela dekenai ahuna bamona ia henia.Iena lalokau be ia noho hanaihanai. 23  Ita lalomanoka neganai, ita ia laloatao.+Iena lalokau be ia noho hanaihanai.+ 24  Ia ese iseda inai taudia amo ita ia hamauria loulou.+Iena lalokau be ia noho hanaihanai. 25  Ia ese mauri gaudia ibounai dekenai aniani ia henia.+Iena lalokau be ia noho hanaihanai. 26  Guba ena Dirava tanikiu henia.Iena lalokau be ia noho hanaihanai.

Futnout

^ Eiava “noho hanaihanai lalokauna.” Diksenari itaia.
NEGA MATAMATA TRENSLEISEN ENA BUKA HELAGA
Salamo 136
Hiri Motu
Intanet ai Baibel Duahia
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt rau 40