“Guriguri kamonai Diravana e, taunimanima idauidau be oi dekenai do idia mai.”

Salamo 65:2

“Mai emu kudouna ibounai ida Iehova oi abidadama henia, bona sibona emu diba dekenai oi tabekau lasi. Oi karaia gaudia ibounai lalonai Dirava oi laloa, bona ia ese emu raka dalana do ia hamaoromaoroa.”

Aonega Herevadia 3:5, 6

“Mauri hanaihanai abia totona, namona be oi, Dirava momokanina tamona, bona oi ese oi siaia tauna, Iesu Keriso, do idia dibaia.”

Ioane 17:3

“To momokani, [Dirava] be ita ta ta amo ia daudau lasi.”

Kara 17:27

“Lau gurigurilaia noho gauna be inai, emui lalokau do ia bada ia lao noho, mai diba maoromaoro bona laloparara bada ida.”

Filipi 1:9

 “Bema umui ta ena aonega be hegeregere lasi, namona be Dirava dekenai ia noinoi noho, bona Dirava ese ia dekenai do ia henia, badina ia be ibounai dekenai mai hariharibada ida ia henia, bona ia gwau henidia lasi.”

Iamesi 1:5

“Dirava kahirakahira umui lao, bona ia be umui kahirakahira do ia mai. Umui kara dika taudia e, emui imana umui hagoevaia, bona umui lalorua taudia e, emui kudouna umui hagoevaia.”

Iamesi 4:8

“Dirava ita lalokau henia ena anina be inai, iena taravatu ita badinaia. Bona iena taravatu be idia metau lasi.”

1 Ioane 5:3