Ogogami maurina be bada herea dainai lagani ta ta ai taunimanima milioni momo idia mase, badina idia aniani namonamo lasi bona idia gorere. Ena be tanobada ena kahana haida be taga maurina idia noholaia, to taunimanima momo herea be idia ogogami noho. Baibel ese ia hahedinaraia, ogogami maurina ese taunimanima dekenai hekwakwanai ia havaraia noho.​—Ioane 12:8 duahia.

Tanobada gavamanina ta mai ena siahu ia noho be namo ogogami maurina ia haorea totona. Unai gavamani ese tanobada ena kohu be dala maorona ai do ia haria namonamo bona tuari do ia haorea, badina tuari karadia ese ogogami bada maurina ia havaraia. Dirava ese unai bamona tanobada gavamanina ta ia gwauhamatalaia.​—Daniela 2:44 duahia.

Dirava ese ena Natuna, Iesu, ia abia hidi taunimanima ibounai ia lohiaia totona. (Salamo 2:4-8) Iesu ese ogogami taudia do ia hamauria bona hisihisi bona dagedage karadia do ia haorea.​—Salamo 72:8, 12-14 duahia.

Baibel ese ia perovetalaia hegeregerena, “Maino ena Lohia,” Iesu ese tanobada dekenai maino bona noho namo do ia mailaia. Bena taunimanima ibounai be sibona edia ruma ai do idia noho, edia gaukara do idia moalelaia, bona aniani momo herea do idia noho ania totona.​—Isaia 9:6, 7; 65:21-23 duahia.