Jòb 10:1-22
10 Mwen rayi* lavi m+.
Mwen pral pale sa k fè m mal.Mwen pral pale paske m nan gwo soufrans*!
2 M ap di Bondye: ‘Pa kondane m.Di m pou ki rezon w ap lite avè m.
3 Ki avantaj ou jwenn lè w toupizi m,Lè w meprize sa w fè ak men w+,Epoutan, ou koute konsèy mechan an?
4 Èske w gen je moun,Oubyen èske w wè menm jan ak lòm?
5 Èske lavi w menm jan ak lavi lèzòm,Oubyen èske w viv menm kantite tan ak lèzòm+
6 Ki fè w ap chèche wè sa m fè ki malE w kontinye ap chèche wè peche m+?
7 Ou konnen m pa koupab+,Men, pa gen pèsonn ki ka sove m anba men w+.
8 Se ak pwòp men w ou te ban m fòm e ou te fè m+,Men, kounye a ou vle elimine m.
9 Tanpri, sonje se ak tè ou te fè m+,Men, kounye a ou vle fè m tounen nan pousyè+.
10 Èske se pa ou ki te mete m nan vant manman mE ki te ban m fòm depi nan vant?*
11 Ou met po ak chè sou mwen,E w fè tout pati kò m ret kole ansanm grasa zo ak tandon*+.
12 Ou ban m lavi e ou demontre yon lanmou ki fidèl pou mwen,Ou pwoteje lavi m+.
13 Epoutan, ou te gen nan tèt ou pou w fè m bagay sa yo*.Mwen konnen se ou ki fè yo.
14 Si m te fè peche, ou t ap wè m+,E ou pa t ap padone sa m fè ki mal.
15 Si m koupab, ala mizè pou mwen!E menmsi m inosan, mwen pa ka leve tèt devan w+,Paske mwen wont anpil e m ap soufri anpil+.
16 Si m leve tèt mwen, ou kouri dèyè m tankou yon lyon+,Epi, yon lòt fwa ankò, ou sèvi ak pouvwa w kont mwen.
17 Ou rele lòt moun pou yo temwaye kont mwen,E w ap vin pi an kòlè kont mwen,Tank malè ap tonbe sou mwen.
18 Bon, poukisa w te fè m sot nan vant manman m+?Mwen te dwe mouri anvan moun wè m,
19 Se t ap kòmsi m pa t janm egziste,Mwen t ap annik sot nan vant manman m epi m al nan tonm tou dwat.’
20 Èske lavi m pa tou kout+? Se pou l kite m trankil,Se pou l sispann gade m, pou m ka pran yon ti souf*+
21 Anvan m ale kote m pap ka soti a+,Nan peyi ki fè nwa anpil la*+,
22 Nan peyi ki gen fènwa pwès la,Yon peyi kote l fè nwa anpil e ki tèt anba,Kote menm limyè tankou fènwa.”
Nòt anba paj
^ Oswa: “Nanm mwen rayi”.
^ Oswa: “paske nanm mwen anmè”.
^ Lit.: “Èske w pa t vide m tankou lèt epi w fè m vin tankou lèt kaye?”
^ Yo tankou kòd ki blan, se yo menm ki fè mis yo ret kole ak zo yo.
^ Lit.: “E ou te kache bagay sa yo nan kè w”.
^ Oswa: “pou m ka fè yon ti kontan”.
^ Oswa: “ki fè nwa e ki gen lonbray lanmò”.
