2 | “Konsolasyon nou jwenn nan Ekriti yo”
BIB LA DI: “Tout bagay ki te ekri nan tan lontan, yo te ekri yo pou enstriksyon nou, yon fason pou nou ka gen esperans grasa andirans nou e grasa konsolasyon nou jwenn nan Ekriti yo.” — Women 15:4.
Sa sa vle di
Bib la gen panse ki bay rekonfò ki ka ban nou fòs ak andirans nou bezwen pou n fè fas ak panse negatif nou toujou genyen yo. Epitou, mesaj ki nan Bib la ban nou espwa soufrans emosyonèl nou yo pral disparèt talè konsa.
Fason sa ka ede
Pafwa, nou tout ap goumen ak santiman ki bay lapenn; men pou moun ki soufri depresyon oswa k ap fè fas ak enkyetid yo, se chak jou y ap goumen ak santiman ki ba yo lapenn san rete. Ki jan Bib la ka ede?
Bib la bay anpil panse pozitif ki ka ranplase panse negatif yo (Filipyen 4:8). Vrèmanvre, li ka ranpli lespri nou ak panse ki rekonfòtan e ki kalme nou k ap ede nou kontwole emosyon nou yo. — Sòm 94:18, 19.
Bib la ka ede n kontrekare panse ki fè nou santi nou pa vo anyen yo. — Lik 12:6, 7.
Gen anpil vèsè nan Bib la ki ban nou asirans nou pa poukont nou, e Bondye, Kreyatè nou an, byen konprann santiman nou yo. — Sòm 34:18; 1 Jan 3:19, 20.
Bib la pwomèt Bondye pral retire souvni ki ban n lapenn yo (Ezayi 65:17; Revelasyon 21:4). Lè n ap soufri akoz panse ak santiman ki twouble nou yo, nou ka wè pwomès sa a ban nou fòs pou n kontinye avanse.
Lòt sijè ki enteresan
REPONS BIB LA BAY
Èske m ka jwenn pawòl pou konsole m nan Bib la?
Bib la ede plizyè moun ki fè fas ak sitiyasyon ki difisil e ki gen gwo tètchaje.
