Nan dat 26 septanm 2024 la, Helene, yon siklòn kategori 4, te frape zòn Gòlf Florid, Etazini. Siklòn sa a ki te fò anpil te lakòz anpil lapli ak van ki te deplase jiska yon vitès 225 kilomèt alè. Nan dat 27 septanm nan, Helene te antre nan lòt zòn, li te rive Jòjya ak yon seri gwo van ki te depase 95 kilomèt alè. Nan jou apre a, siklòn nan te kontinye nan direksyon nò jis li rive Kawolin disid, kote l te lakòz omwen twa tònad. Pandan siklòn nan t ap rive Kawolin dinò, te gen plis pase 90 santimèt lapli ki te tonbe nan plizyè vil.

Gwo van ak lapli siklòn Helene pote yo lakòz gen anpil inondasyon, anpil kay, biznis ak wout ki andomaje. Gen plis pase yon milyon moun ki toujou pa gen kouran. E gen omwen 180 moun ki mouri.

• Malerezman, gen 3 frè ki mouri

• 7 pwoklamatè blese, men yo pa grav

• 1 606 pwoklamatè oblije kite kay yo

• 29 kay kraze

• 236 kay sibi gwo domaj

• 779 kay sibi ti domaj

• 1 Sal Wayòm sibi gwo domaj

• 19 Sal Wayòm sibi ti domaj

• Siveyan sikonskripsyon yo ak ansyen yo nan zòn nan ap bay moun siklòn nan afekte yo konsolasyon ak èd yo bezwen.

• Yo mete 2 Komite sekou sou pye pou òganize travay pote èd la

Sa vrèman fè nou mal lefètke nou konnen gen moun ki mouri akoz gwo siklòn sa a. Men, nou jwenn konsolasyon ak lapè nan pwomès Jewova fè nou pou lavni kote tout moun pral “viv ak kè poze, y ap viv trankil san yo pa pè okenn malè”. — Pwovèb 1:33.