Yo rele “liv lavi a” “woulo lavi a” tou oswa yon “liv ki devan [Bondye] pou l sonje” moun ki gen posiblite resevwa lavi ki pap janm fini an (Revelasyon 3:5; 20:12; Malachi 3:16). Se lafwa ak obeyisans yon moun ki fè Bondye ekri non l nan liv sa a. — Jan 3:16; 1 Jan 5:3.

 Depi lè monn nan te fonde, Bondye gen non chak sèvitè fidèl li yo nan memwa l, kòmsi se nan yon liv li te ekri non yo (Revelasyon 17:8). Sanble Abèl, ki te yon moun fidèl, se premye moun non l ekri nan liv lavi a (Ebre 11:4). Men, liv sa a se pa jis yon liv kote yo annik mete non moun. Liv lavi a fè nou konnen Jewova se yon Bondye ki gen lanmou e ki “konnen moun ki pou li yo”. — 2 Timote 2:19; 1 Jan 4:8.

Èske yo ka efase non yon moun nan “liv lavi a”?

 Wi. Men sa Bondye te di konsènan moun ki te dezobeyisan pami pèp Izrayèl tan lontan an: “Se non moun ki peche kont mwen m ap retire nan liv mwen an.” (Egzòd 32:33). Men, si nou rete fidèl, non nou ap rete nan “woulo lavi a.” — Revelasyon 20:12.