Ekip wout la ak ekip enfòmatik la ap itilize de gwo traktè pou yo travay nan yon gwo kanalizasyon dlo. Nou ka wè bilding ki gen biwo yo pa dèyè nan foto a.

Kontraktè yo ap fè finisyon sou fasad deyò yo. Yo chwazi koulè yo ak modèl yo yon fason pou batiman yo sanble ak peyizaj la.

Apre kontraktè yo fin koule dal la, yo sèvi ak yon machin pou yo sire l, konsa l ap dire plis tan.

Lè w ap gade sou nodès. Sou devan, nou wè ekip wout la k ap debleye espas la e k ap met teren an a nivo pou l ka prepare espas la pou pakin prensipal la. Sou bò goch, yo fini ak chapant metalik k ap relye de batiman biwo yo. Pa dèyè, nou wè bilding pwodiksyon sid ak bilding pwodiksyon nò.

Toupre Rezidans A, nou wè yon topograf k ap sèvi ak yon aparèy pou l verifye mezi yo epi anrejistre yo apre yo fini ak peyizaj la. Kòm yo te deja travay nan peyizaj la depi nan kòmansman pwojè a, plant yo ak pyebwa yo ap gentan pouse lè pwojè a ap fini.

Moun ki konn pentire k ap aplike rezin atè nan pakin nan. Volontè ki sou bò goch la mete yon soulye nan pye l ki pap kite mak kote yo fin pentire a. Lè yo aplike rezin atè a, l ap difisil pou atè a andomaje e l ap reziste ak tach luil, sa ki vrèman bon pou yon pakin.

Plonbye k ap enstale chèn ki pral kenbe pano ki pèmèt yo chofe gwo espas sa a.

Volontè k ap mete premye kouch penti anndan biwo yo. Nan plafon chak biwo, gen yon aparèy pou chofaj oswa klimatizasyon ki nan yon anbalaj plastik.

Volontè k ap enstale yon chapant metalik nan plafon kote kontwa resepsyon an pral ye.

Kontraktè yo sèvi ak yon machin pou enstale vit ki pa deyò salamanje a ak oditoryòm nan.

Moun k ap travay nan ekip rezo enfòmatik la k ap mete yon tèt koneksyon nan pwent chak kab rezo. Gen anviwon 164 041 pye kab rezo, ki pase nan planche, nan toule kat etaj biwo yo. Jan yo desine espas la pèmèt yo reranje espas biwo yo byen fasil, san twop efò.

Manm ekip ijans lan ap fè yon seyans egzèsis. Y ap ede yon moun ki sot tonbe nan yon echafo e kòd sekirite a kenbe l.

Anvan yo mete adoken, yon manm ekip wout la ap mete nivo nan espas y ap fè pou pyeton yo. Toupre gwo traktè a, nou wè yon ti traktè k ap fè twou kote yo pral mete yon plant endijèn ki rele Cham.

N ap remake sou do kèk batiman, tankou bilding pwodiksyon ak bilding ki gen biwo yo, yo enstale pano solèy k ap pèmèt gen kouran nan lokal sa yo grasa enèji solèy la bay.

Yon moun k ap poze seramik, ki fèt ak pyè kalkè, nan twazyem etaj la. Ti pyès oranj nou wè nan fant seramik la e ki separe l ak makadam nan ap anpeche seramik la kraze si bilding nan ta bouje.

Volontè k ap pwofite bon ti manje nan yon espas pwovizwa yo prepare pou sa. Yo sèvi anviwon 1000 repa chak jou pandan 3 fwa nan jounen an.

Pa dèyè do bilding nan, nou ka wè kamyon k ap pote materyèl. Sou bò dwat, yo enstale fenèt pèsyèn nan tout wotè batiman an pou ka gen lonb nan salamanje a ak nan oditoryòm nan lè solèy la bese ann ivè.

Ekip finisyon an, grasa èd volontè ki vini nan kad Pwogram volontè pou yon jounen, ap mete yon stil kapèt atè a. Pa mwayen pwogram sa a, yo envite tout kongregasyon nan Grann Bretay ak Ilann pou yo voye volontè pou yon jounen travay. Rive nan fen fevriye, gen plis pase 5 500 volontè ki patisipe nan pwogram sa a.

Kontraktè yo k ap konstwi yon gwo mi separasyon nan mitan bilding batiman an. Delimitasyon yo fè ak ti poto koulè oranj nou wè yo se yon limit sekirite pou fasilite yo sèvi ak gwo machin nou wè yo.

Volontè k ap netwaye nan espas resepsyon an pandan y ap enstale yon planche espesyal nan zòn resepsyon an.