Հոբ 22։1-30
22 Թեմանացի Եղիփազը+ պատասխանեց.
2 «Կարո՞ղ է արդյոք մարդն Աստծուն պիտանի լինել:
Եթե անգամ մարդն իմաստուն է, Աստծուն ի՞նչ օգուտ կարող է բերել:+
3 Ամենակարողին ի՞նչ,* որ դու արդար ես,Կամ մի՞թե նա շահ ունի քո անարատ ընթացքից:+
4 Մի՞թե աստվածավախ լինելուդ համար նա քեզ կպատժերԿամ քեզ հետ դատավեճի մեջ կմտներ:
5 Չէ՞ որ պատժվելուդ պատճառն այն է, որ շատ մեծ է քո անօրենությունը,Եվ վերջ չունեն քո հանցանքները:+
6 Դու տեղի-անտեղի քո եղբայրներից գրավ ես վերցնում,Մարդկանց հագուստները հանում ես ու նրանց մերկ թողնում:+
7 Ջուր չես տալիս հոգնածին,Ուտելիք չես տալիս քաղցածին:+
8 Զորավոր մարդն է երկրին տիրում,+Առանձնաշնորհյալն է այնտեղ բնակվում:
9 Իսկ այրիներին դու դատարկաձեռն ճամփու ես դրելԵվ որբերին վնաս ես պատճառել:*
10 Դրա համար էլ ծուղակներով* շրջապատված ես,+Եվ հանկարծահաս սարսափները ահաբեկում են քեզ:
11 Այնպիսի խավարի մեջ ես, որ չես կարողանում տեսնել,Հեղեղը ծածկում է քեզ:
12 Աստված երկնքի բարձունքներում է, չէ՞:
Նայիր, թե որքան բարձր են բոլոր աստղերը:
13 Իսկ դու ասում ես. «Աստված ի՞նչ գիտի:
Նա ի՞նչ կարող է տեսնել թանձր մշուշի միջից, որ դատի:
14 Երբ նա շրջում է երկնակամարով,Ամպերը փակում են նրա տեսադաշտը, և նա ոչինչ չի տեսնում»:
15 Մի՞թե գնալու ես այն ճանապարհով,Որով հնում գնացել են անօրենները՝
16 Մարդիկ, որոնք վաղաժամ մահացել են,Որոնց հեղեղը քշել-տարել է:*+
17 Նրանք ճշմարիտ Աստծուն ասում էին՝ «Մեզ հետ գործ չունես»,Նաև ասում էին՝ «Ամենակարողն ի՞նչ կարող է անել մեզ»:
18 Այնինչ նրանց տները նա էր բարիքներով լցրել
(Անօրենների այս մտածելակերպն ինձ խորթ է):
19 Արդարները կտեսնեն նրանց կործանումը և կհրճվեն,Անմեղները նրանց կծաղրեն ու կասեն.
20 «Մեր թշնամիները կործանվեցին,Ինչ էլ մնաց նրանցից, կրակը կլափի»:
21 Ճանաչիր Աստծուն և խաղաղություն կվայելես,Այդժամ բարիք կճաշակես:
22 Ընդունիր նրա բերանից դուրս եկած օրենքը,Սրտիդ մեջ պահիր նրա խոսքերը:+
23 Եթե վերադառնաս դեպի Ամենակարողը, կրկին կբարգավաճես:+
Եթե անարդարությունը քո վրանից հեռացնես,
24 Եթե քո ոսկին* հողը դնես,Օֆիրի+ ոսկին ժայռոտ կիրճերը գցես,
25 Այդ ժամանակ Ամենակարո՛ղը կդառնա քո ոսկին,Քո ամենաընտիր արծաթը նա՛ կլինի:
26 Ամենակարողը քո ուրախության աղբյուրը կլինի,Դու վստահությամբ Աստծուն կդիմես:*
27 Կաղաչես նրան, ու նա կլսի քեզ,Եվ դու երդումներդ կկատարես:
28 Ինչ էլ մտադրես, կհաջողվի,Ճանապարհներիդ վրա լույս կփայլի:
29 Եթե մեծամտաբար խոսես, կստորացվես,Մինչդեռ խոնարհին Աստված կփրկի:
30 Նա կազատի նրանց, ովքեր անմեղ են,Այնպես որ, եթե ձեռքերդ մաքուր լինեն, անկասկած կփրկվես»:
Ծանոթագրություններ
^ Կամ՝ «Ամենակարողին ուրախացնո՞ւմ է»:
^ Կամ՝ «անհայր երեխաների թևերը ջարդել ես»:
^ Բռց.՝ «թռչնի թակարդներով»:
^ Կամ՝ «Որոնց հիմքը հեղեղը քշել-տարել է»:
^ Կամ՝ «ոսկու բնակտորները»:
^ Բռց.՝ «երեսդ դեպի Աստված կբարձրացնես»:
