KOMITANDA
9: Ondjiukiro
MAI KAMBURIRE MOYE
Ondjiukiro kai hee ena nombunikiro yoye uriri. I kamburira mo ongurameno yoye, ongamburiro, nongaro yoye. Tjiri, ondjiukiro yoye oviṋa avihe ku u tjiukirwa okuza moukoto nga pendje.
ONGWAYE TJERI OHEPERO
Indu tji u nongurameno momwano mbu u tjiukwa, u ṱakama mu imbi mu u kambura, nu koyandjere omapanga woye okukupukisa.
“Ovandu ovengi veri tjimuna ozombopi nḓu tu muna mozostora. Ozo kaze toorora ozombanda nḓu ma ze zara; varwe ombe toorora.”—Adrian.
“Ami mbe rihonga oku kuramena ouatjiri, nandarire kutja ouzeu okutjita nao . Ami mbi yenena okutjiwa kutja omapanga wandje oowaṋi, momwano mu ve ritjinda na mu mbiri tjinda tji mbiri puna wo.”—Courtney.
OMURARI WOMBEIBELA: “Amu horere komihingo vyouye mbwi. Ndjambi nge mu yarure koupe mourekoto womitima vyeṋu.”—Ovaroma 12:2.
MOYENENE OKU TJITA VI
Kondja okutjiwa kutja oove uṋe nai, nu movanga oku karira uṋe, indu tji motara koviṋa mbi moyenene okutjita, koungundipare woye, na koviṋa mu ukambura. Omuano omuwa wokutjita nao okuzira omapuriro ngu maye kongorere mba.
Oviṋa mbi moyenene okutjita: Oviyandjewa viṋe nondjiviro iṋe mbi mbi navyo? Mbina ovikaṋena viṋe oviwa? (Otjotjihorera: Hapo mbi yenena okutjita avihe moruveze? Okuritjaera koviṋa? Okuungura oukukutu? Owami omuharupu?) Hapo ovikwaye oviwa mbi mbi tjita?
ONDUNGE: Hapo ouzeu okumuna oviṋa oviwa move? Pura omunene woye poo epanga mu u kambura kutja ovikwaye oviwa mbi ve muna move nu ongwaye.
OMURARI WOMBEIBELA: “Auhe nge rinongonone otja komeritjindiro we omuini. Nu tja munu kutja ovitjitwa vye oviwa, eye ma yenene okurihivira vyo nokuhinokuvisasaneka na imbi vyomukwao.”—Ovagalate 6:4.
Oungundipare: Hapo me hepa oku ungurira ko ungundipare uṋe mbu mbi nawo? Omarorero yeṋe nge ndji wisa oupupu? Omo viṱo viṋe mu me hepa omeritjaerero tjinene?
OMURARI WOMBEIBELA: “Tji matu tja katu nouvi, matu riwovisa oveni.”—1 Johanes 1:8.
Oviṋa mutu kambura: Hapo ami otjomundu mbi kongorera ye, nongwaye? Hapo mbi kambura mu Mukuru? Ovikwaye mbya tjita kutja mbi kambure kutja okeri? Ozongaro zeṋe nḓu mbi muna kutja zeri posyo, nu ongwaye? Hapo mbi nongamburiro iṋe ohunga noruyaveze?
OMURARI WOMBEIBELA: “Oukengeze nozondunge zoye mavi ku tjevere navi ku yama.”—Omiano 2:11.
Mo yenene okutara ku imbi wina
OMAZIRIRO KOMAPURIRO 10 OMITANDA NGU VE PURA
Owami uṋe?
Okutjiwa imbi mbi u kambura mo, omasa woye, oungundipare, nozondando zoye mavi ku vatere okutoora omukambo omusemba tji u ri kehi yoṋiṋikizire.
