Ongwaye Ovahongonone va Jehova tji ve kayenda komurungu okuhungira ku novandu mba tja, kave nonḓero?
Ovahongonone va Jehova ve hingwa i yorusuvero ndu ve na rwo ku na Mukuru na kovararanganda vawo. (Mateus 22:37-39) Ku nao, owo ve haṋasana ombuze yOmbeibela ku novandu avehe, nandarire imba mba tja, “Ami hi nonḓero.” Orusuvero rwetu ku Mukuru ru tu hinga kutja tu kare nonḓuviro kerakiza rOmuna we ‘mokuhongonona’ nawa. (Oviungura 10:42; 1 Johanes 5:3) Okutjita nao, tu eta ombuze ya Mukuru povikando ovingi pekepeke, tjimuna ovaprofete va Mukuru voruveze orukuru tjaave tjiti. (Jeremia 25:4) Mena rokutja twa suvera ovararanganda vetu, eṱe tu zuvarisa “Ombuze Ombwa yOuhona” ku avehe, nandarire imba mbe ha raisa onḓero poutenga.—Mateus 24:14.
Indu tji twa yaruka kozonganda zovandu mbe hi na va ri nonḓero, owo potuingi ve kara nonḓero. Tara komapu yetatu nga:
Ovandu ve tjinda.
Ouṋepo warwe meṱunḓu u raisa onḓero mombuze yetu.
Ovandu ve runduruka. Ovitjitwa mouye poo ozongaro zovandu ze tjita kutja ovandu tjiva ve ute ‘okuhepa Mukuru,’ poo okupaha Mukuru nokukara nonḓero mombuze yOmbeibela. (Mateus 5:3, NWT) Tjimuna omuapostele Paulus, imba mbe tu pirukira mave yenene okurunduruka.—1 Timoteus 1:13.
Posi ya, eṱe katu ṋiṋikizire ombuze yetu movandu. (1 Petrus 3:15, 16) Eṱe tu kambura kutja omundu auhe ma sokutjita ondando ye omuini indu tje kwe ya kokukarera Mukuru.—Deuteronomium 30:19, 20.
Mo yenene okutara ku imbi wina
ESSENTIAL BIBLE TEACHINGS
Hapo Mukuru u yakura omiano ngamwa avihe vyomerikotameneno?
Ovandu ovengi ve tja kainatja kutja wa toorora ongamburiro iṋe.
OMAHONGERO WOMBEIBELA
Rora omerihongero wetu wOmbeibela
Muna omerihongero wOmbeibela wotjari pu nomundu ngu me ku hongo.