Korea Selatan

• Taun tu meh musin ujan ke pemadu panjai dalam sejarah Korea

• Ujan lebat ke enda ngetu-ngetu udah mai ampuh bah sereta tanah tusur

• 16 iku penginjil patut pindah ari rumah sida dalam sesiti timpuh

• 30 buah rumah rusak

• 19 buah Palan Gempuru rusak

• Pampang Opis Korea udah ngatur tiga iti Komiti Tulung Pengerusak Alam (DRC)

• Semua DRC nya sama enggau bala tuai ti ngabas ba endur ke ditinggang penusah, begulai gawa enggau bala tuai gempuru kena nulung bala menyadi

• Pengawa meresi sereta ngaduka rumah enggau Palan Gempuru ke kena, benung dipejalaika

• Nengeri Gurye nya entara endur ti pemadu balat kena penusah tu. Ba dia, Menyadi Min-seong Lee enggau bini iya patut rari ari rumah lalu ninggalka semua pemisi sida. Rumah sida abis dilamun ai. Lebuh bala ari DRC ulih datai enggau likun, sida berengkah meresi rumah seduai iya sereta meri utai ke diguna. Bala menyadi ari DRC nya pan meri jaku peransang ari Bup Kudus. Bini Menyadi Min-seong madahka: “Aku amat beterima kasih ke semua bantu ti diberi bala menyadi. Semua pengawa sida ngalitka ati aku. Chara sida ngaduka rumah kami, sama baka sida ngaduka rumah diri empu. Amat, aku udah lenyau mayuh utai. Tang iya ke amat, aku ngasaika diri udah bulih mayuh agi utai.”

Kitai beterima kasih ngagai Jehovah, ‘Petara ti pun semua pengelantang,’ laban Iya terus nyaga bala menyadi kitai ba Korea ba maya ti tusah tu.—2 Korint 1:3, 4.