Haribulan: 9-11 Ogos 2019

Endur: Stadium Municipal Legia Warsaw enggau Torwar Hall Warsaw, Poland

Bansa Jaku ke Disediaka: English, Polish

Penyampau Orang ke Datai: 32,069

Penyampau Orang ke Dibaptisa: 190

Penyampau Bala Menyadi ari Menua Bukai: 6,892

Menua ke Dikelaluka Datai: Eropah Tengah, Chile, Ecuador, Finland, Perancis, Georgia, Hungary, Jepun, Korea, Moldova, Romania, Ukraine, Amerika Serikat

Peneleba ti Manah: Kamil Kaźmierkiewicz, seiku manager ba siti ari hotel ke dikena bala menyadi ke datai ari menua bukai maya konvensyen tu, iya nya ba Four Points by Sheraton Warsaw Mokotów nulis baka tu: “Chara kita meri kerejasama patut nyadika teladan. Manah amat enti semua temuai kami manah ati sereta ngembuan runding ti manah baka kita. Aku ulih meda kita amat rapat enggau pangan diri sereta beserakup enggau pangan diri. Aku amat alit ati meda kita ngatur pengawa tu enggau manah amat.”

Kamil Lubański, orang ke ngempu KL Team, kompeni ke ngatur begian bas mega madahka, “Ari pun aku ulih ngasaika penyerakup sereta kerejasama ti manah ari Saksi-Saksi Jehovah. Sida amat teratur sereta enda nejuka kitai aja ngereja pengawa. Program ke besai tu dipelan sereta ditembuka enggau manah amat. Kompeni kami selalu nerima kontrak enggau mayuh pengawa ti tebilang tauka pengawa ke bekaul enggau bala pemerintah. Tang jarang amat kami tetemuka orang baka Saksi Jehovah, ke ngatur semua utai enggau manah amat sereta enda kala laun. Pandakka jaku, semua deriba kami amat rinduka Saksi Jehovah. Kami ngarapka, ulih bekerejasama enggau Saksi Jehovah baru dudi hari.”