1.   Ni bagi utai ba baruh tu ti ngambarka asai ati nuan?

   •  Aku enda kala puas ati pasal tubuh enggau gamal aku.

   •  Kekadang puas ati ga aku meda tubuh enggau gamal diri empu.

   •  Aku selalu puas ati pasal tubuh enggau gamal diri empu.

2.   Nama utai ti deka diubah nuan ba tubuh?

   •  Peninggi

   •  Berat

   •  Gamal tubuh

   •  Buk

   •  Kulit

   •  Pemesai buah isi

   •  Utai bukai

3.   Tembuka leka jaku ba baruh.

    Aku berasai enda puas ati meda tubuh diri enti . . .

   •  aku nimbang pemerat tubuh diri.

   •  aku becheremin.

   •  aku mandingka diri enggau orang bukai (bala kaban, pisin gari bala model, bala pelakun enggau penyanyi).

4.   Tembuka leka jaku ba baruh.

    Aku nimbang pemerat tubuh diri . . .

   •  tiap hari.

   •  tiap minggu.

   •  kurang ari seminggu sekali.

5.   Ni bagi utai ke ba baruh tu, ngambarka asai ati nuan?

   •  Enda rinduka gamal tubuh diri. (Chunto: “Tiap kali aku meda cheremin, aku ngasaika diri benung meda seiku orang ke gemu sereta jai amat gamal. Aku sanggup enda makai ngambika berat tubuh aku ulih nurun.”—Serena.)

   •  Enda kelalu irau pasal gamal tubuh diri. (Chunto: “Tentu bisi utai ke ba tubuh kitai ke enda ngemuaska ati. Tang bisi ari nya patut diterima kitai. Enti kitai kelalu irau pasal utai ke enda ulih diubah, nya ulih ngasuh kitai balat agi tusah ati.”—Natanya.)

 Bup Kudus ngelalau kitai ngambi enda kelalu berundingka diri empu “pama agi ari ti patut”. (Rome 12:3) Nya kebuah, ba sekeda pekara, kitai endang patut nyaga gamal tubuh diri. Chunto iya, kitai patut nentuka kitai selalu beberus ngeli tauka nyaga pengerai tubuh diri.

 Tang, baka ni enti nuan majak irau pasal gamal tubuh diri nyentukka nuan nyau kelalu beberatka utai tu? Enti tu nyadi, nuan engka berunding . . .

 Bisi beberapa iti kebuah. Entara iya:

•  Meda mayuh iklan. “Bala nembiak rindu meda gambar ke ngasuh kitai bisi runding, kitai patut kurus lalu manah gamal tiap jam. Ketegal tu, lebuh kitai ngasaika diri enda baka nya, kitai ngasai diri jai amat gamal dibandingka enggau orang bukai!”—Kellie.

•  Chunto ari apai indai. “Ulih diperatika, kesuah iya enti indai kelalu beberatka gamal tubuh diri, anak indu iya mega sama. Pia mega enggau anak lelaki ke nitihka chunto apai iya.”—Rita.

•  Kelalu ngemaruhka diri. “Orang ke kelalu beberatka gamal tubuh diri selalu dekaka diri dipuji orang bukai pasal chara sida ngintu diri. Lelak amat begulai enggau orang ke baka nya!”—Jeanne.

 Enda ngira nama saut iya, nuan engka berunding . . .

 Uji peratika nama ku nembiak bukai.

 “Ukai semua utai ke enda dikerinduka pasal diri empu ulih diubah. Nya kebuah, belajar meh nerima pengurang diri. Enti kitai empu ulih nerima sapa kitai ti bendar, kesuah iya orang bukai enda entu betatika pengurang kitai.”—Rori.

  “Utai ti pemadu beguna nya, gerai. Enti nuan gerai, nuan seruran manah dipeda. Pia mega, enti orang nya enda ulih nerima sapa kitai ti bendar (kelalu beberatka pasal gamal tubuh kitai), iya enda ulih nyadi kaban kitai.”—Olivia.

 Batang ajar: Kereja utai ke ulih dikereja nuan. Anang kelalu irau pasal mayuh utai. Kelalu beberatka pasal gamal tubuh diri ulih ngemediska nuan empu. (Bacha “ Cherita pengidup Julia.”)

 Iya ke amat, enti nuan nemu berunding enggau penumbas iya, nuan ulih meda ni takat ke ulih digaga nuan empu. Tu meh utai ke diasaika seiku nembiak indu ke benama Erin. Iya madahka, “Amat, kekadang aku enda puas ati. Tang aku beratika, aku bisi asai baka nya laban aku kelalu beratika utai ti enda manah. Ke diatu, aku patut nyaga chara makai sereta sesais enggau tetap. Utai bukai ulih nyadi manah kediri empu.”

 Enti nuan meda diri empu enggau chara ti betul, nuan ulih ngasaika pemanah tubuh diri. Prinsip Bup Kudus ulih nulung. Lalau ari Bup Kudus meransang nuan ngemansangka kualiti tu:

•  Beterima kasih enggau utai ke dikemisi diri. “Manah agi enti kitai nemu puas ati ke utai ti dikemisi diri, ari ke seruran inginka utai bukai.”—Pengajar 6:9.

•  Runding ti manah pasal sesais. “Matihka tubuh beguna.”—1 Timoti 4:8.

•  Ngembuan ati ti manah. ‘Mensia meda gamal, tang Jehovah meda ati.’—1 Samuel 16:7.

 “Ari gamal, orang ulih meda chara kitai berunding pasal diri empu. Enti kitai selalu gaga ati enggau utai ke dikemisi diri, orang bukai mega rindu enggau kitai.”—Sarah.

 “Endang amat, pemajik enggau penyigat gamal selalu ngasuh orang rindu meda. Tang, utai ti pemadu dikingatka orang iya nya, ulah enggau kualiti kitai ti manah.”—Phylicia.

 Peda mega Jaku Dalam 11:22; Kolosi 3:10, 12; 1 Peter 3:3, 4.