Enda! Bup Kudus enggau terang madahka, pemerinsa ukai tuju Petara Jehovah ngaga mensia. Tang, sepasang laki bini keterubah udah ngelaban perintah Petara, lalu deka nentuka kediri empu pasal utai ti betul enggau salah. Sida limpang ari Petara, lalu tu ngujungka sida merinsa.

 Kemayaharitu, kitai napi pemerinsa ketegal pemutus ke digaga sida. Pia mega, Petara ukai pun pemerinsa mensia.

 Bup Kudus madah, ‘Orang ke kena laban penguji, enda tau nyebut, ‘Aku diuji Petara,’ laban Petara enda ulih diuji penyai, lalu Iya Empu enda nguji orang.’ (James 1:13) Pemerinsa ulih nyadi ngagai sapa-sapa—nyengkaum sida ke dikerinduka Petara.