Pengerindu ngagai Petara sereta orang bukai meransang Saksi-Saksi Jehovah bekunsika Berita Manah ari Bup Kudus nyengkaum sida ke kala nyebut, “Aku enda minat.” (Matthew 22:37-39) Pengerindu ngagai Petara meransang kitai ngasika pesan anak Iya ke ngasuh kitai “besaksi.” (Kereja Rasul 10:42; 1 John 5:3) Nya kebuah kami suah dipeda orang nginjil, baka ke digaga bala nabi Petara jeman kelia. (Jeremiah 25:4) Ketegal kami rinduka orang bukai, kami bebendar bekunsika ‘Berita Manah pasal Perintah Petara’ enggau semua orang, nyengkaum sida ke kala nunjukka diri enda minat.—Matthew 24:14.

 Kami suah tetemuka orang ke bisi minat maya kami datai baru ngagai rumah orang ke kala nunjukka diri enda minat. Uji perundingka sekeda kebuah tu:

•   Orang pindah rumah.

•   Sekeda orang ke diau serumah enggau orang nya bisi minat.

•   Utai ke nyadi tauka runding orang ulih berubah. Utai ke nyadi ba dunya tauka utai ke nyadi ba pengidup ulih ngasuh orang “nemu diri begunaka Petara”, lalu ngujungka sida deka nerima pesan ari Bup Kudus. (Matthew 5:3, NW) Nya kebuah orang ke kala enda minat engka ulih berubah ati, baka utai ke nyadi ba Paul.

 Taja pia, kami enda kala mejal sapa-sapa nerima Berita Manah ke dikerembaika kami. (1 Peter 3:15) Kami pechaya, semua orang ulih milih kediri empu ni bagi jalai pengarap kedeka sida.—Ulang Adat 30:19, 20.