Gịnị Ka M Ga-ekpe n’Ekpere?

KPỌWA

Ihe Baịbụl kwuru

I nwere ike ikpe ekpere rịọ Chineke ihe ọ bụla dabara n’uche ya otú Baịbụl kwuru. Baịbụl sịrị: “Ihe ọ bụla nke anyị rịọrọ ya dị ka uche ya si dị, ọ na-anụ olu anyị.” (1 Jọn 5:14) I nwere ike ịgwa Chineke ihe na-enye gị nsogbu n’obi. Baịbụl kwuru, sị: “Wụpụnụ obi unu n’ihu [Chineke] dị ka mmiri.”—Abụ Ọma 62:8.

Ihe ụfọdụ i nwere ike ikpe n’ekpere bụ:

Ka Chineke nyere gị aka ka i nwee okwukwe n’ebe ọ nọ.—Luk 17:5.
Ka o nye gị mmụọ nsọ ya, ma ọ bụ ike ya nke na-arụ ọrụ mgbe niile, ka i nwee ike ime ezi ihe.—Luk 11:13.
Ka o nye gị ike ị ga-eji merie nsogbu ndị bịaara gị ma merie ọnwụnwa.—Ndị Filipaị 4:13.
Ka o mee ka obi ruo gị ala.—Ndị Filipaị 4:6, 7.
Ka o nye gị amamihe ị ga-eji na-eme mkpebi ndị dị mma.—Jems 1:5.
Ka o nye gị nri ụbọchị.—Matiu 6:11.
Ka ọ gbaghara gị mmehie gị.—Matiu 6:12.

Isiokwu Ndị Ọzọ Yiri nke A

Ekpere Ihe Mmadụ Kweere na Otú E Si Efe Chineke Ajụjụ Ndị Baịbụl Zara

Isiokwu A Nwekwara Ike Ịmasị Gị

ỤLỌ NCHE

Olee Otú Ị Ga-esi Ekpe Ekpere Chineke Anụ Ya?

Gwa Chineke okwu n’ebe ọ bụla na n’oge ọ bụla. Na-agwakwa ya okwu n’ime obi gị ma ọ bụ kwupụta ya ekwupụta. Jizọs medịrị ka anyị mata ihe anyị ga-ekwu.

ESSENTIAL BIBLE TEACHINGS

Chineke Ọ̀ Na-aza Ekpere Niile?

Chineke anaghị anabata ekpere mmadụ kpere nke gosiri na onye ahụ na-eche naanị gbasara onwe ya. Ọ naghịkwa aza ekpere nwoke na-echi nwunye ya ọnụ n’ala.