NA-ECHENỤ NCHE!
Olee Onye Ọchịchị Ị Ga-ahọrọ?—Gịnị Ka Baịbụl Kwuru?
Ndị mmadụ na-ekpebi ihe dị ha ezigbo mkpa, ya bụ, onye ha chọrọ ka ọ chịwa ha.
Gịnị ka Baịbụl kwuru?
Ndị mmadụ ndị na-achị achị riri mperi
Baịbụl kwuru otu nsogbu ndị mmadụ ndị na-achị achị nwere.
“Unu atụkwasịla ndị isi obi, unu atụkwasịkwala nwa nke mmadụ obi, bụ́ onye na-enweghị ike ịzọpụta mmadụ. Ọ kwụsị iku ume, ọ na-alaghachi n’ájá. N’ụbọchị ahụ, ọ na-akwụsị iche echiche.”—Abụ Ọma 146:3, 4.
Onye ọchịchị kachadị eme nke ọma ga-emechakwa nwụọ. Ihe ọzọ bụ na ha ejighị n’aka na ndị ga-anọchi ha ga-arụrụ ọrụ ọma ha malitere na-aga.—Ekliziastis 2:18, 19.
N’eziokwu, Baịbụl gosiri na e keghị ụmụ mmadụ ka ha na-achị ibe ha.
‘Mmadụ enweghị ikike iduzi nzọụkwụ ya mgbe ọ na-eje ije.’—Jeremaya 10:23.
È nwere onye nwere ike ịbụ ezigbo onye ọchịchị taa?
Onye ọchịchị nke Chineke kwadoro
Baịbụl kọwara na Chineke ahọpụtala onye ọchịchị kacha ruo eru, onye a ga-atụkwasịli obi. Onye ọchịchị ahụ bụ Jizọs Kraịst. (Abụ Ọma 2:6) Ọ bụ Jizọs bụ Eze Alaeze Chineke. Ọchịchị a si n’eluigwe na-achị.—Matiu 6:10.
Ị̀ ga-ahọrọ ka Jizọs na-achị gị? Baịbụl gosiri ihe mere o ji dị mma ịhọrọ ọchịchị Jizọs. Ọ sịrị:
“Kwanyerenụ ọkpara ya [ya bụ, Jizọs Kraịst] ùgwù, ma ọ́ bụghị ya, Chineke ga-ewe iwe, unu ewee laa n’iyi, n’ihi na o nwere ike iwe iwe ngwa ngwa. Ndị niile na-agbaba n’ime ya na-enwe obi ụtọ.”—Abụ Ọma 2:12.
Ọ bụ ugbu a ka ị ga-ekpebi onye ị ga-ahọrọ. Amụma Baịbụl na-egosi na Jizọs malitere ịchị n’afọ 1914 nakwa na Alaeze Chineke ga-anọchi ọchịchị ụmụ mmadụ n’oge na-adịghị anya.—Daniel 2:44.
Gụọ isiokwu bụ́ “Kpebie Ịkwado Alaeze Chineke Ugbu A” ka ị matakwuo otú ị ga-esi kwado ọchịchị Jizọs.
Isiokwu A Nwekwara Ike Ịmasị Gị
ỤLỌ NCHE
Ònye Bụ Eze nke Alaeze Chineke?
Ọtụtụ ndị so dee Baịbụl dere ọtụtụ ihe a ga-eji amata onye ga-abụ Eze nke Alaeze Chineke. Kemgbe ụmụ mmadụ dịwara ndụ n’ụwa a, ọ bụ naanị otu onye ka ihe niile ahụ e kwuru dabara nnọọ adaba n’ebe ọ nọ.
ESSENTIAL BIBLE TEACHINGS
Gịnị Bụ Alaeze Chineke?
N’oge Jizọs nọ n’ụwa, ọ kụziri gbasara Alaeze Chineke karịa ihe ọ bụla ọzọ. Ndị na-eso ụzọ ya nọ na-ekpe ekpere kemgbe ka Alaeze ahụ bịa.
ISIOKWU NDỊ ỌZỌ
Olileanya E Ji n’Aka na Ihe Ga-adị Mma n’Ọdịnihu
Gịnị mere ihe ndị Baịbụl kwuru na ha ga-eme ji dị iche n’ihe ụmụ mmadụ kwuru na ha ga-eme?
AJỤJỤ NDỊ BAỊBỤL ZARA
Gịnị Ka Alaeze Chineke Ga-eme?
Chọpụta ihe Alaeze Chineke ga-emere ụmụ mmadụ ma ọ chịwa ụwa.
GBASARA ANYỊ
Gwa Anyị Ka Anyị na Gị Mụwa Baịbụl
A ga-eji Baịbụl zaa gị ajụjụ ị jụrụ, ma ọ bụkwanụ mee ka ị matakwuo gbasara Ndịàmà Jehova.
