Petsa: Agosto 9-11, 2019

Lokasion: Municipal Stadium ti Legia Warsaw ken Torwar Hall, Warsaw, Poland

Lengguahe ti Programa: English, Polish

Kangatuan a Bilang ti Immatender: 32,069

Bilang ti Nabautisaran: 190

Bilang ti Delegado Manipud iti Agduduma a Pagilian: 6,892

Naawis a Sangay: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States

Kapadasan: Kastoy ti insurat ni Mr. Kamil Kaźmierkiewicz, ti general manager ti Four Points iti Sheraton Warsaw Mokotów (maysa kadagiti hotel a nagdagusan dagiti delegado): “Naglakakayo a kasarsarita. Ad-adu koma pay ti kas kadakayo a kostumer, a nasisingpet ken positibo. Makitak a talaga nga agkaykaysakayo ken adda ayatyo iti maysa ken maysa. . . . Bilibak iti nagsayaat a panangorganisaryo iti daytoy nga okasion.”

Imbaga met ni Mr. Kamil Lubański, ti makinkukua iti KL Team, ti kompania a nakontrata a mangipaay iti bus a pagluganan: “Idi damo pay laeng, nakitakon a nagsayaat ti makipagtrabaho kadagiti Saksi ni Jehova. Organisado ken nalalaingda. Nagsayaat ti pannakaiplano ken pannakaisagana daytoy a nagdakkel nga okasion. Napadasanen ti kompaniami ti makipagtrabaho kadagiti pagaammo a kliente, agraman ti gobierno, a nangorganisar met kadagiti okasion ditoy ken iti dadduma pay a pagilian iti Europa. Ngem manmano ti makasarak iti kliente a nakasagana a naimbag ken organisado. Iti ababa a pannao, awan ti maibaga dagiti draybermi ken dagiti dadduma a trabahadormi no di dagiti positibo a banag maipapan iti pannakipagtrabahoda kadakayo a Saksi ni Jehova. Sapay koma ta agbalinkayto manen a klientemi.”