Isaias 25:1-12
25 O Jehova, sika ti Diosko.
Itan-okka, idayawko ti naganmo,Ta nakaskasdaaw dagiti inaramidmo,+Dagiti pinanggepmo* sipud idi un-unana,+Iti kinamatalek,+ iti kinamapagpiaran.
2 Ta pinagbalinmo ti maysa a siudad kas bunton ti batbato,Ti napaderan nga ili kas rebba.
Saanen a siudad ti torre ti ganggannaet;Saanton a maibangon.
3 Isu nga idaydayawnakanto ti napigsa nga ili;Agbutengto kenka ti siudad dagiti manangirurumen a nasion.+
4 Ta nagbalinka a kamang dagiti nanumo,Kamang dagiti agrigrigat a napanglaw,+Pagkamangan no agbagyo,Ken paglinongan no napudot.+
Inton ti pug-aw dagiti manangirurumen ket kas iti bagyo a dumalapus iti pader,
5 Kas iti pudot iti natikag a daga,Pagtalnaem ti ariwawa dagiti estranghero.
Mapagulimek ti kanta dagiti manangirurumen,Kas iti pudot a pabaawen ti anniniwan ti ulep.
6 Iti daytoy a bantay,+ mangaramidto ni Jehova a panguluen dagiti armada para iti amin nga iliIti selebrasion ti naiimas a putahe,+Selebrasion ti nasayaat nga arak,*Naiimas a putahe nga addaan iti pata,Nasayaat, nasagat nga arak.
7 Iti daytoy a bantay, ikkatennanto* ti balkut a nangbungon iti amin nga iliKen ti abbong* a nailaga iti amin a nasion.
8 Alimonennanto* ni patay iti agnanayon,+Ket punasento ti Kangatuan* nga Apo Jehova dagiti lua iti amin a rupa.+
Ikkatennanto ti pakaibabainan ti ilina iti intero a daga,Ta ni Jehova ti nangibaga iti dayta.
9 Kunadanto iti dayta nga aldaw:
“Daytoy ti Diostayo!+
Nangnamnamatayo kenkuana,+Ket isalakannatayto.+
Daytoy ni Jehova!
Nangnamnamatayo kenkuana.
Agrag-o ken agragsaktayo iti panangisalakanna.”+
10 Ta iparabawto ni Jehova ti imana iti daytoy a bantay,+Ngem maipayatpayatto ti Moab iti lugarna+Kas iti naipayatpayat a garami iti sangabunton a ganagan.
11 Iyunnatnanto ti imana iti daytaKas iti lumalangoy a mangyunnat iti imana tapno aglangoy,Ket ipababananto ti kinatangsit dayta+Babaen ti eksperto a panaggunay ti imana.
12 Ti napaderan a siudad, agraman dagiti natalged ken nangato a padermo,Rebbaennanto;Ituangnanto iti daga, iti mismo a tapok.
Footnotes
^ Wenno “balakadmo.”
^ Wenno “arak a saan a naikkat ti ared-edna.”
^ Wenno “dalungdong.”
^ Lit., “alimonennanto.”
^ Wenno “Ikkatennanto.”
^ Wenno “Soberano.”
