Isaias 52:1-15
52 Agriingka! Agriingka! Agpapigsaka,+ O Sion!+
Isuotmo dagiti napintas a badom,+ O Jerusalem, ti nasantuan a siudad!
Ta awanton ti sumrek kenka a di nakugit ken narugit.+
2 Tumakderka, pampagem ti tapok ket agtugawka, O Jerusalem.
Warwarem dagiti galut iti tengngedmo, O natiliw nga anak a babai ti Sion.+
3 Ta daytoy ti kinuna ni Jehova:
“Nailakokayo ngem awan ti nangbayad kadakayo,+Ket masakakayto uray awan ti kuarta.”+
4 Ta daytoy ti kinuna ti Kangatuan* nga Apo Jehova:
“Napan idi ti ilik idiay Egipto tapno agnaedda kas ganggannaet;+Sa indadanes ida ti Asiria nga awan gapgapuna.”
5 “Ania ngarud ti aramidek?” kinuna ni Jehova.
“Ta naala ti ilik nga awan ti bayadna.
Dagidiay mangiturturay kadakuada ipampannakkelda ti balligida,”+ kinuna ni Jehova,“Ket kanayon, agmalmalem, a saan a mararaem ti naganko.+
6 Gapu iti dayta, maammuanto ti ilik ti naganko;+Gapu iti dayta, maammuandanto a Siak ti agsasao.
Wen, siak!”
7 Anian a nagpintas iti rabaw ti bambantay dagiti saka daydiay mangidandanon iti naimbag a damag,+Daydiay mangipakpakaammo iti talna,+Daydiay mangidandanon iti naimbag a damag maipapan iti nasaysayaat a banag,Daydiay mangiwarwaragawag iti pannakaisalakan,Daydiay mangibagbaga iti Sion: “Nagbalinen nga Ari ti Diosmo!”+
8 Dumngegka! Impigsa dagiti parabantaymo ti timekda.
Sangsangkatunos nga agpukpukkawda a siraragsak,Ta nalawag* a makitadanto ti panangummong manen ni Jehova iti Sion.
9 Agragsakkayo, sangsangkatunos nga agpukkawkayo gapu iti rag-o, dakayo a rebba ti Jerusalem,+Ta liniwliwa ni Jehova ti ilina;+ sinakana ti Jerusalem.+
10 Linislisan ni Jehova ti nasantuan a takiagna iti imatang ti amin a nasion;+Makitanto ti amin nga ungto ti daga ti panangisalakan* ti Diostayo.+
11 Pumanawkayo, pumanawkayo, rummuarkayo dita,+ dikay sagiden ti aniaman a narugit!+
Rummuarkayo iti tengngana,+ pagtalinaedenyo a nadalus ti bagiyo,Dakayo a mangaw-awit kadagiti alikamen ni Jehova.+
12 Ta pumanawkayto a saan a matartaranta,Ken saanyonto a kasapulan ti aglibas,Ta addanto ni Jehova iti sanguananyo,+Ken bantayanto ti Dios ti Israel ti likudanyo.+
13 Agtignayto a simamasirib ti adipenko.+
Maipangatonto,Maitan-okto ken maipadayag iti kasta unay.+
14 No kasano a nagsiddaaw ti adu a nakakita kenkuana—Ta nadadael ti langana a nakarkaro pay ngem ti asinoman a taoKen naperdi ti napintas a langana a kasla saanen a tao—
15 Pagsiddaawennanto met ti adu a nasion.+
Apputento dagiti ari ti ngiwatda* iti sanguananna,+Ta makitadanto ti saanda pay a naammuanKen panunotendanto ti saanda pay a nangngeg.+
Footnotes
^ Wenno “Soberano.”
^ Wenno “mata iti mata.”
^ Wenno “panagballigi.”
^ Wenno “Saanto a makauni dagiti ari.”
