Septemba 2-8
SAAMZ 79-81
Sang 29 An Prieya | Tingz We Wi Fi Luk Out Fa Iina Di Miitn (1 min.)
1. Shuo Se Yu Lov Jeuova Niem An Yu Av Nof Rispek Fi’it
(10 min.)
No du notn we a-go bring dong shiem an disgries pan Jeuova niem (Sa 79:9; w17.02-E 9 ¶5)
Kaal pan Jeuova niem (Sa 80:18; ijwbv-E 3 ¶4-5)
Jeuova du wol iip a gud tingz fi di wan dem we a du wa im se dem fi du an a shuo se dem lov im niem (Sa 81:13, 16)
Fi di gud sitn dem we wi du big op Jeuova niem, piipl afi nuo se wi a Jeuova Witnis
2. Di Preshos Tingz Fram Di Baibl
(10 min.)
-
Sa 80:1—Wa mek som a di taim wen dem a taak bout aal a di chraib dem we did iina Izrel a Juozif niem dem yuuz? (it-2-E 111)
-
Fi da wiik ya, tel wi som a di preshos ting dem we yu lorn fram di Baibl riidin?
3. Di Baibl Riidin
(4 min.) Sa 79:1–80:7 (th-E stodi 10)
4. Wen Wi Taak Tu Piipl Fi Di Fos Taim
(1 min.) WEN WI A PRIICH OUS TU OUS. Tel dem se yu kyan stodi di Baibl wid dem. (lmd lesn 4 paint 4)
5. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. Tel dem se yu kyan stodi di Baibl wid dem. (lmd lesn 4 paint 3)
6. Wen Wi Taak Tu Piipl Fi Di Fos Taim
(2 min.) WEN WI GO PRIICH TU PIIPL WE NO DE A DEM YAAD. Tel dem se yu kyan stodi di Baibl wid dem. (lmd lesn 3 paint 3)
7. Wen Wi Go Bak Go Taak Tu Dem
(5 min.) WEN WI A PRIICH OUS TU OUS. Tel sumadi we did se dem neehn waahn fi stodi di Baibl se yu kyan stodi di Baibl wid dem nou ef dem waahn. (lmd lesn 8 paint 3)
Sang 10
8. “Dem A-Go Shuo Se Dem Av Nof Rispek Fi Mi Niem”
(15 min.) Taak an kwestiyan.
Iina di gyaadn a Iidn, Sietan did staat fi tel wan bag a lai pan Jeuova. Fram dem taim de til nou, di bigis ting fi evribadi pan di ort an di ienjel dem op a evn a fi shuo ef dem av nof rispek fi Jeuova niem ar dem naa go rispek it.
Mek wi luk pan som a di wikid wikid lai dem we Sietan a tel bout Jeuova. Im kliem se Jeuova wikid an im no lov nobadi. (Je 3:1-6; Juob 4:18, 19) An im kliem se di piipl dem we a worship Jeuova no riili lov Im at aal. (Juob 2:4, 5) Im aal get wan bag a piipl fi biliiv se a no Jeuova mek aal a di priti sitn dem we wi si iina da worl ya.—Ruo 1:20, 21.
Wen yu ier dem lai de we im a tel piipl bout Jeuova, ou dat mek yu fiil? It mos mek yu waahn fi taak op an shuo se dem sitn de we im a se bout Jeuova a no chuu at aal! Jeuova did nuo se di wan dem we a sorv im wudaana shuo se dem av nof rispek fi im niem. (luk pan Aizaiya 29:23.) Ou yu kyan shuo se yu a du dat?
-
Elp ada piipl fi nuo bout Jeuova so dat dem kyan lov im tu. (Jan 17:25, 26) Elp dem fi si ou dem kyan nuo se im de bout fi chuu an tiich dem bout di nais nais wiez dem we im av.—Aiz 63:7
-
Shuo se yu lov Jeuova wid aal a yu aat. (Mt 22:37, 38) Du wa Jeuova se yu fi du. An no onggl du it kaa yu nuo se wa im se a dat gud fi yu, yu fi du it kaa yu waahn fi mek Jeuova api.—Pr 27:11
Plie di VIDIYO Lov Neva Eva Tap Iivn Duo . . . Yu A Ga’a Skuul Wid Piipl We No Av No Rispek Fi Gad. Den aks dem kwestiyan ya:
-
Ou Ariel an Diego did taak op an shuo se dem av nof rispek fi Jeuova niem?
-
A wa did mek dem waahn fi taak op fi Jeuova?
-
Ou yu kyan du laik wa dem did du?
9. Di Baibl Stodi Fi Wi Miitn
(30 min.) bt chap. 15 ¶1-7, an di paragraaf we tel wi bout paat 6
