Mazmur 78:1-72
-
Gusti Allah nggatèkké ning Israèl ora nduwé iman
-
Nyritakké marang keturunané sukmbèn (2-8)
-
”Wong-wong kuwi ora nduwé iman marang Gusti Allah” (22)
-
”Panganan saka langit” (24)
-
’Wong-wong kuwi nglarani atiné Gusti Allahé Israèl sing Mahasuci’ (41)
-
Saka Mesir nganti tekan Tanah Perjanjian (43-55)
-
”Wong-wong kuwi terus-terusan nglawan Gusti Allah” (56)
-
Maskil.* Lagu sing digawé Asaf.+
78 Bangsaku, rungokna hukumku.*
Gatèkna omonganku.
2 Aku bakal ngomongké soal peribahasa.
Aku bakal ngomongké soal teka-teki jaman mbiyèn.+
3 Kabèh sing wis tak rungokké lan tak ngertèni,Sing dicritakké nènèk moyangku marang aku,+
4 Ora bakal tak tutup-tutupi saka keturunané wong-wong kuwi.
Aku bakal crita marang keturunan sing bakal lair sukmbèn+Soal tumindaké Yéhuwah sing pantes dipuji, kekuwatané,+Lan mukjijaté.+
5 Dhèwèké mènèhi Yakub peraturanLan mènèhi hukum ing Israèl.
Dhèwèké ngongkon nènèk moyangé awaké dhéwéBèn nyritakké kabèh kuwi marang anak-anaké,+
6 Supaya keturunané sukmbèn,Yaiku anak-anak sing durung lair, isa ngerti soal kuwi.+
Terus, anak-anaké kuwi bakal crita karo keturunané.+
7 Dadi, keturunané kuwi bakal percaya marang Gusti Allah.
Wong-wong kuwi bakal manut karo préntahé Gusti Allah+Lan ora bakal lali karo tumindaké Gusti Allah.+
8 Wong-wong kuwi ora bakal dadi kaya nènèk moyangéSing ndableg lan seneng mbrontak,+Sing atiné gampang nyimpang,*+Lan sing ora setya marang Gusti Allah.
9 Wong Éfraim nggawa panah,Ning wong-wong kuwi mundur pas perang.
10 Wong-wong kuwi ora nepati perjanjiané karo Gusti Allah+Lan ora gelem manut karo hukumé.+
11 Wong-wong kuwi lali karo sing ditindakké Gusti Allah,+Yaiku mukjijaté sing wis diduduhké marang wong-wong kuwi.+
12 Ing Mesir, ing dhaérah Zoan,+Gusti Allah nggawé mukjijat ing ngarepé nènèk moyangé wong-wong kuwi.+
13 Gusti Allah mbelah laut bèn wong-wong kuwi isa liwatLan nggawé banyuné dadi kaya témbok.*+
14 Dhèwèké nuntun wong-wong kuwi nganggo méga pas awanLan nganggo geni pas bengi.+
15 Dhèwèké mbelah gunung watu ing padhang belantaraLan mènèhi ngombé wong-wong kuwi nganti puas. Banyuné akèh banget kaya banyu ing laut.+
16 Dhèwèké nggawé tebing watu ngetokké banyuLan nggawé banyuné mili kaya kali.+
17 Ning, wong-wong kuwi tetep nggawé dosa,Yaiku mbrontak nglawan Gusti Allah sing Mahaluhur ing padhang pasir.+
18 Wong-wong kuwi nglawan* Gusti Allah,+Yaiku sambat merga njaluk panganan sing dikarepké.
19 Wong-wong kuwi nglawan Gusti Allah lan kandha,”Apa Gusti Allah isa mènèhi panganan ing padhang belantara?”+
20 Mula, Gusti Allah nggebug gunung watu,Terus banyuné metu lan mili banter banget.+
Ning, wong-wong kuwi isih takon, ”Apa Dhèwèké isa mènèhi rotiLan nyedhiakké daging kanggo umaté?”+
21 Wektu krungu soal kuwi, Yéhuwah nesu banget.+
Dhèwèké ngukum Yakub nganggo geni+Lan nesu banget marang Israèl+
22 Merga wong-wong kuwi ora nduwé iman marang Gusti Allah+Lan ora percaya nèk Gusti Allah isa nylametké.
23 Mula, Dhèwèké ngongkon méga sing ana ing langitLan mbukak lawang-lawang ing langit.
24 Dhèwèké mènèhi panganan saka langit.+
Dhèwèké nggawé udan manna bèn isa dipangan wong-wong kuwi.
25 Manungsa mangan roti saka swarga.*+
Dhèwèké mènèhi pangan wong-wong kuwi nganti wareg.+
26 Ing langit, Dhèwèké nggawé angin teka saka wétanLan saka kidul nganggo kuwasané.+
27 Dhèwèké nggawé daging sing akèhé kaya debu mudhun saka langit,Yaiku manuk-manuk sing akèhé kaya pasir ing pantai.
28 Dhèwèké nggawé manuk-manuk kuwi tiba ing sekitar perkémahané umaté,Ing sekitar kémah-kémahé umaté.
29 Terus, wong-wong kuwi mangan nganti wareg banget.
Dhèwèké mènèhi wong-wong kuwi apa sing dikarepké.+
30 Ning, sakdurungé wong-wong kuwi mangan nganti puas,Pas panganané isih ana ing njero cangkemé,
31 Gusti Allah nesu banget karo wong-wong kuwi.+
Dhèwèké matèni wong-wong sing paling kuwat+Lan wong Israèl sing isih enom.
32 Senajan ngono, wong-wong kuwi tetep nindakké dosa.+
Senajan wis ndelok tumindaké Gusti Allah sing luar biasa,+ wong-wong kuwi tetep ora nduwé iman.
33 Mula, dina-dinané wong-wong kuwi diakhiri kaya embusan napas.+
Dhèwèké nggawé wong-wong kuwi mati merga kena bencana sing ujug-ujug teka.
34 Ning, nèk wis ana sing dipatèni, wong-wong kuwi mulai nggolèki Gusti Allah.+
Wong-wong kuwi mertobat lan nggolèki Gusti Allah,
35 Wong-wong kuwi éling nèk Gusti Allah kuwi gunung watuné+Lan nèk Gusti Allah sing Mahaluhur kuwi sing nebus wong-wong kuwi.+
36 Ning, wong-wong kuwi ngupaya ngapusi Dhèwèké nganggo cangkeméLan ngomong sing ora bener marang Dhèwèké nganggo ilaté.
37 Wong-wong kuwi ora setya+Lan ora nepati perjanjiané karo Dhèwèké.+
38 Tapi Dhèwèké nduwé rasa mesakké,+Mula Dhèwèké ngapura* kesalahané wong-wong kuwi lan ora nyingkirké wong-wong kuwi.+
Dhèwèké bola-bali ora sida nesu.+
Dhèwèké ora ngamuk.
39 Dhèwèké ngerti nèk wong-wong kuwi mung manungsa,*+Kaya angin sing liwat lan ora bali manèh.*
40 Wong-wong kuwi kerep mbrontak nglawan Dhèwèké ing padhang belantara+Lan nglarani atiné ing padhang pasir.+
41 Wong-wong kuwi bola-bali nguji Gusti Allah+Lan nglarani atiné Gusti Allahé Israèl sing Mahasuci.
42 Wong-wong kuwi wis lali karo kuwasané* Gusti Allah,Wektu Dhèwèké nylametké* wong-wong kuwi saka mungsuhé,+
43 Wektu Dhèwèké nggawé mukjijat ing Mesir+Lan mukjijat ing dhaérah Zoan,
44 Lan wektu Dhèwèké nggawé saluran-saluran banyuné Kali Nil dadi getih+Bèn banyuné ora isa diombé.
45 Dhèwèké nggawé wong-wong kesiksa merga dicokoti laler,+Lan nggawé wong-wong sengsara merga ana akèh kodhok.+
46 Dhèwèké nggawé walang sing nggragas mangani hasil panènLan ngentèkké hasil kerja kerasé wong-wong kuwi.+
47 Dhèwèké ngrusak wit anggur+Lan wit ara hutané wong-wong kuwi nganggo udan ès.
48 Dhèwèké nggawé kéwan-kéwané mati merga kena udan ès+Lan ternaké kesamber bledhèg.
49 Dhèwèké nesu banget karo wong-wong kuwi.
Dhèwèké nesu banget lan nggawé wong-wong kuwi susah.
Dhèwèké ngongkon malaékat nggawé wong-wong kuwi kena bencana.
50 Dhèwèké nduduhké rasa nesuné.
Dhèwèké matèni wong-wong kuwi.
Wong-wong kuwi dipatèni nganggo wabah penyakit.
51 Akhiré Dhèwèké matèni kabèh anak pertama ing Mesir,+Anak nomer siji sing lair ing kémahé Ham.
52 Terus, Dhèwèké nggawa umaté metu saka Mesir+Lan nuntun wong-wong kuwi kaya nggiring domba ing padhang belantara.
53 Dhèwèké nggawé wong-wong kuwi ngrasa amanLan ora wedi.+
Dhèwèké nggawé mungsuhé wong-wong kuwi kleleb ing laut.+
54 Dhèwèké nggawa wong-wong kuwi menyang panggonané sing suci,+Yaiku dhaérah pegunungan sing wis direbut nganggo kekuwatané.*+
55 Dhèwèké ngusir bangsa-bangsa liya saka ngarepé wong-wong kuwi.+
Dhèwèké mbagi-mbagi warisan marang wong-wong kuwi nganggo tali sing dienggo ngukur.+
Dhèwèké nggawé suku-suku Israèl manggon ing omahé dhéwé-dhéwé.+
56 Wong-wong kuwi terus-terusan nglawan* Gusti Allah sing Mahaluhur lan mbrontak nglawan Dhèwèké.+
Wong-wong kuwi ora perduli wektu diélingké.+
57 Kaya nènèk moyangé, keturunané wong-wong kuwi ora setya lan ninggalké Gusti Allah.+
Wong-wong kuwi ora isa dipercaya, kaya busur panah sing taliné kendho.+
58 Wong-wong kuwi terus-terusan nyembah allah palsu ing panggonan sing dhuwur+Lan nggawé patung bèn Gusti Allah nesu.*+
59 Gusti Allah ngerti, lan Dhèwèké dadi nesu banget.+
Mula Dhèwèké ninggalké Israèl.
60 Akhiré Dhèwèké ninggalké tabernakel ing Syilo,+Kémah sing dadi panggonané ing antarané manungsa.+
61 Dhèwèké meneng waé pas mungsuh-mungsuhé njupuk Pethi+Sing nglambangké kekuwatan lan kemuliaané Gusti Allah.
62 Dhèwèké meneng waé pas umaté dipatèni nganggo pedhang.+
Dhèwèké nesu banget karo umaté.*
63 Cah-cah lanang diobong nganggo geni,Lan ora ana sing nyanyi lagu pernikahan kanggo cah-cah wédok sing isih prawan.*
64 Para imamé dipatèni nganggo pedhang+Lan ora ditangisi karo bojoné.+
65 Terus Yéhuwah kaya tangi turu,+Kaya wong sing kuwat+ sing lagi sadhar bar mabuk merga anggur.
66 Dhèwèké ngalahké mungsuhé+Lan nggawé mungsuhé isin nganti saklawasé.
67 Dhèwèké ninggalké kémahé YusufLan ora milih suku Éfraim.
68 Ning, Dhèwèké milih suku Yéhuda,+Yaiku Gunung Zion sing ditresnani.+
69 Dhèwèké nggawé panggonan suciné tetep ana kaya langit*+Lan kaya bumi sing digawé bèn tetep ana saklawasé.+
70 Dhèwèké milih Daud+ dadi abdiné.
Daud dipilih saka antarané kandhang domba,+
71 Saka antarané panggonané domba wédok sing lagi nyusoni.
Dhèwèké milih Daud dadi gembalané Yakub+Lan gembalané Israèl umaté.*+
72 Daud tulus wektu dadi gembalané wong-wong kuwi.+
Dhèwèké trampil wektu nuntun wong-wong kuwi.+
Katrangan Tambahan
^ Deloken Daftar Istilah.
^ Utawa ”ajaranku”.
^ Lit.: ”atiné ora siap”.
^ Utawa ”kaya bendungan”.
^ Lit.: ”nguji”.
^ Utawa ”saka malaékat”. Lit.: ”saka makhluk-makhluk sing kuwat”.
^ Lit.: ”nutupi”.
^ Lit.: ”mung daging”.
^ Utawa mungkin ”Nèk rohé lunga lan ora bali”.
^ Lit.: ”tangané”.
^ Lit.: ”nebus”.
^ Lit.: ”tangané tengen”.
^ Lit.: ”nguji”.
^ Utawa ”cemburu”.
^ Lit.: ”warisané”.
^ Lit.: ”Lan cah-cah wédok sing isih prawan ora dipuji”.
^ Lit.: ”Dhèwèké nggawé panggonan suciné kaya panggonan sing dhuwur”.
^ Lit.: ”warisané”.
