PELAJARAN 06
Apa Langit karo Bumi Diciptakké?
Gusti Allah kuwi ”sing mènèhi urip”. (Mazmur 36:9) Apa kuwi bener? Ana sing mikir nèk langit karo bumi sak isiné ujug-ujug ana. Nèk kuwi bener, berarti uripé awaké dhéwé ora ana gunané. Tapi nèk awaké dhéwé diciptakké, berarti Yéhuwah nduwé alesan nyiptakké awaké dhéwé. a Gatèkna keterangan ing Alkitab soal asal mulané makhluk hidup lan buktiné nèk kuwi bener.
1. Sapa sing nyiptakké langit karo bumi?
Menurut Alkitab, ”Awalé, Gusti Allah nyiptakké langit lan bumi.” (Purwaning Dumadi 1:1) Akèh ahli ilmu pengetahuan ya percaya nèk langit karo bumi ana sing nyiptakké. Gusti Allah nggunakké ”kekuwatané”, yaiku roh suciné, kanggo nyiptakké langit karo bumi, termasuk galaksi, bintang, lan planèt.—Purwaning Dumadi 1:2.
2. Ngapa Gusti Allah nyiptakké bumi?
Yéhuwah ”nyiptakké bumi merga ana tujuané, yaiku bèn dienggoni manungsa”. (Yésaya 45:18) Dhèwèké nggawé bumi bèn pénak dienggoni lan manungsa isa urip saklawasé ing kono. (Wacanen Yésaya 40:28; 42:5.) Para ahli ilmu pengetahuan ngomong nèk bumi béda karo planèt liyané merga mung bumi sing isa dienggoni manungsa.
3. Apa bédané manungsa karo kéwan?
Sakwisé nggawé bumi, Yéhuwah nyiptakké makhluk hidup. Dhèwèké nyiptakké tanduran lan kéwan. Bar kuwi, ”Gusti Allah nyiptakké manungsa sing mirip karo Dhèwèké”. (Wacanen Purwaning Dumadi 1:27.) Manungsa béda karo kéwan merga manungsa nduwé sifat-sifaté Gusti Allah, contoné sayang lan adil karo wong liya. Manungsa ya isa belajar basa, seneng seni, lan seneng musik. Ora kaya kéwan, manungsa isa nyembah Gusti Allah.
SINAU LUWIH AKÈH
Ayo ndelok bukti-bukti nèk langit karo bumi diciptakké lan keterangan ing Alkitab soal penciptaan kuwi bener. Terus, ya ana keterangan nèk manungsa nduwé sifat-sifaté Gusti Allah.
4. Langit karo bumi diciptakké
Manungsa dipuji merga isa nggawé barang padahal kuwi mung niru ciptaané Gusti Allah. Tapi sakjané sapa sing kuduné dipuji? Setèlen VIDÉONÉ, terus rembugen pertanyaan iki:
-
Apa waé barang gawéané manungsa sing niru ciptaané Gusti Allah?
Omah digawé manungsa, tapi sapa sing nggawé bumi sak isiné? Wacanen Ibrani 3:4, terus rembugen pertanyaan-pertanyaan iki:
-
Ciptaané Gusti Allah sing paling njenengan senengi apa?
-
Apa njenengan percaya nèk langit karo bumi diciptakké? Ngapa njenengan njawab ngono?
Keterangan
Deloken artikel lan vidéo ing sèri ”Apa Iki Dirancang?” lan ”Pendapat soal Urip lan Sing Nyiptakké” ing jw.org.
”Saben omah mesthi dibangun karo wong, ning sing mbangun kabèh yaiku Gusti Allah”
5. Keterangan ing Alkitab soal penciptaan kuwi bener
Ing Purwaning Dumadi 1 ana keterangan soal asal mulané bumi sak isiné. Apa kuwi mémang bener? Setèlen VIDÉONÉ, terus rembugen pertanyaan-pertanyaan iki:
-
Menurut Alkitab, apa bumi sak isiné diciptakké 6 dina?
-
Menurut njenengan, apa keterangan ing Alkitab soal penciptaan kuwi bener? Ngapa njenengan njawab ngono?
Wacanen Purwaning Dumadi 1:1, terus rembugen pertanyaan iki:
-
Para ahli ilmu pengetahuan ngomong nèk langit karo bumi diciptakké. Apa buktiné nèk kuwi cocog karo keterangan ing Alkitab?
Ana sing nganggep nèk Gusti Allah nyiptakké makhluk hidup siji bèn dadi makhluk hidup liyané. Wacanen Purwaning Dumadi 1:21, 25, 27, terus rembugen pertanyaan-pertanyaan iki:
-
Menurut Alkitab, apa Gusti Allah nyiptakké makhluk hidup siji bèn dadi manungsa lan kéwan, utawa kèt awal Gusti Allah nyiptakké menurut jenisé dhéwé-dhéwé?
6. Manungsa béda karo ciptaan liyané
Manungsa diciptakké béda karo kéwan. Wacanen Purwaning Dumadi 1:26, terus rembugen pertanyaan iki:
-
Manungsa diciptakké mirip karo Gusti Allah. Dadi nèk manungsa isa sayang lan gampang mesakké karo wong liya, berarti Gusti Allah nduwé sifat apa?
NÈK ANA SING NGOMONG: ”Keterangan ing Alkitab soal penciptaan kuwi ora bener.”
-
Nèk menurut njenengan piyé? Ngapa kok njenengan njawab ngono?
KESIMPULAN
Yéhuwah nyiptakké langit karo bumi sak isiné.
Jawaben
-
Critakna keterangané Alkitab soal asal mulané langit karo bumi.
-
Apa Gusti Allah nyiptakké makhluk hidup siji bèn dadi makhluk hidup liyané, utawa apa kèt awal Gusti Allah nyiptakké menurut jenisé dhéwé-dhéwé?
-
Apa bédané manungsa karo ciptaan liyané?
BAHAN TAMBAHAN
Apa waé barang gawéané manungsa sing niru ciptaané Gusti Allah?
”Saka Ciptaan Awaké Dhéwé Isa Ngerti soal Apa?” (Gatèkna! September 2006)
Deloken vidéo bapak sing lagi nyritani anaké soal ciptaan.
Apa ing Alkitab ana keterangan nèk manungsa asalé saka kéwan, utawa kéwan saka tanduran?
”Apa Gusti Allah Nyiptakké Makhluk Hidup Liwat Évolusi?” (Artikel ing jw.org)
Apa balung-balung sing ditemokké mbuktèkké nèk makhluk hidup ujug-ujug ana?
Pertanyaan soal Asal Mulané Makhluk Hidup lan Jawabané (buku)
a Ing pelajaran 25 bakal dirembug alesané Gusti Allah nyiptakké manungsa.
Topik sing Ana Hubungané
PERTANYAAN SOAL SEKSI-SEKSI YÉHUWAH
Sinau Alkitab karo Seksi-Seksi Yéhuwah Kuwi Kaya Apa?
Pas sinau Alkitab karo Seksi-Seksi Yéhuwah, njenengan isa nganggo Alkitabé njenengan dhéwé. Njenengan ya isa ngejak keluarga utawa kanca.
