Piyé tanggepané para pemimpin agama soal perang ing Ukraina?

•   ”Kepala Gréja Ortodoks Rusia, Patriark Kirill, ora nglarang Rusia nyerang Ukraina. . . . Dhèwèké ya ngèlèk-ngèlèk Ukraina. Kuwi dimanfaatké karo Putin bèn seolah-olah perang kuwi bener.”​—EUobserver, 7 Maret 2022.

•   ”Patriark Kirill . . . setuju nèk Rusia nyerang Ukraina. Malah dhèwèké ngomong nèk kuwi kaya perang nglawan dosa, dadi kuwi ora salah.”​—AP News, 8 Maret 2022.

•   ”Dina Senèn, Kepala Gréja Ortodoks Ukraina sing jenengé Epiphanius I saka Kyiv, mberkahi wong-wong sing arep ’perang nglawan Rusia’ . . . [Dhèwèké] ya ngomong nèk matèni tentara Rusia kuwi ora dosa.”​—Jerusalem Post, 16 Maret 2022.

•   ”Kami (UCCRO) ndhukung tentara Ukraina lan kabèh balané. Kami ndongakké bèn meréka isa menang.”​—UCCRO a, 24 Februari 2022.

 Mosok pemimpin agama sing ngaku manut karo Yésus, malah ndongakké lan ndhukung anggotané bèn mèlu perang? Menurut Alkitab piyé?

Pemimpin agama ndhukung perang

 Kèt mbiyèn akèh pemimpin agama ndhukung utawa malah ngongkon anggotané bèn padha mèlu perang. Kuwi wis kerep dibahas ing publikasiné Seksi-Seksi Yéhuwah. Contoné:

•   Ing artikel ”Perang Salib—’Ilusi yang Tragis’” dijelaské piyé Gréja Katolik Roma ndhukung perang kuwi.

•   Ing artikel ”Gereja Katolik di Afrika” dicritakké nèk ana perang suku ing Afrika. Wong-wong kuwi padha nduwé agama tapi malah patèn-patènan.

•   Ing artikel ”Apakah Agama Dalangnya?”, ”Peran Agama Dalam Peperangan Manusia”, lan ”Agama Berpihak” dijelaské nèk gréja Katolik, Ortodoks, lan Protèstan ndhukung perang.

Apa wong Kristen éntuk mèlu perang?

 Ajarané Yésus: ”Kowé kudu nresnani wong liya kaya nresnani awakmu dhéwé.” (Matius 22:39) ”Kowé kudu terus nresnani mungsuh-mungsuhmu.”​—Matius 5:44-47.

 Omongané Yésus: ”Kerajaanku ora padha kaya pamréntahan-pamréntahan sing ana ing donya. Nèk Kerajaanku padha kaya pamréntahan-pamréntahan sing ana ing donya, para pengikutku mesthi bakal nglawan bèn aku ora diserahké.” (Yohanes 18:36) ”Kabèh wong sing nggunakké pedhang bakal mati merga pedhang.”​—Matius 26:47-52.

 Pikirna: Nèk kanggo nglindhungi Yésus waé, ora éntuk nganggo kekerasan, mosok wong Kristen arep mèlu perang? Wacanen artikel ”Apakah Perang Sejalan dengan Kekristenan?” bèn ngerti nèk kèt mbiyèn wong Kristen ora tau mèlu perang.

Agama palsu bakal diapakké?

 Menurut Alkitab, Gusti Allah ora seneng karo wong-wong sing ngakuné muridé Yésus tapi ora manut karo ajarané.​—Matius 7:21-23; Titus 1:16.

•   Menurut buku Wahyu, para pemimpin agama palsu wis marahi akèh wong ”dipatèni ing bumi”. (Wahyu 18:21, 24) Wacanen artikel ”Apa Babilon Besar Itu?”

•   Yésus ngomong nèk kabèh agama palsu bakal disingkirké. Kuwi kaya ”wit sing ora ngasilké buah sing apik bakal ditegor lan diobong”. (Matius 7:15-20) Wacanen artikel ”Akhir Agama Palsu Sudah Dekat!”

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images