ესაია 43:1—28
43 აი, რას ამბობს იეჰოვა,შენი შემოქმედი, იაკობ, და შენი შემქმნელი, ისრაელო:+
„ნუ გეშინია, რადგან მე გამოგისყიდე!+
სახელით მოგიხმე,
მე მეკუთვნი!
2 როცა წყალში შეხვალ, შენთან ვიქნები,+ვერ წაგლეკავენ მდინარეები.+
როცა ცეცხლში გაივლი, არ დაგწვავს,ალიც ვერაფერს დაგაკლებს.
3 მე ვარ იეჰოვა, შენი ღმერთი,ისრაელის წმინდა, შენი მხსნელი.
შენ გამოსასყიდად გავეცი ეგვიპტე,ეთიოპია და სება — შენ სანაცვლოდ;
4 რაკი ძვირფასი ხარ ჩემს თვალში,+პატივდებული და საყვარელი,+
შენ სანაცვლოდ ხალხს გავცემ,შენი სიცოცხლის სანაცვლოდ — ერებს.
5 ნუ გეშინია, რადგან შენთან ვარ!+
აღმოსავლეთიდან მოვიყვან შენს შთამომავლობასდა დასავლეთიდან შევკრებ.+
6 ჩრდილოეთს ვეტყვი, გაუშვი-მეთქი;+
სამხრეთს ვეტყვი, ნუ დააკავებ,შორიდან მოიყვანე-მეთქი ჩემი ვაჟები და დედამიწის კიდეებიდან — ჩემი ასულები,+
7 ყველა, ვინც ჩემი სახელით იწოდება,+ვინც ჩემი დიდებისთვის გავაჩინე,გამოვსახე და შევქმენი.+
8 გამოიყვანე ხალხი, რომელსაც თვალები აქვს, მაგრამ ბრმაა,ყურები აქვს, მაგრამ ყრუა.+
9 ერთ ადგილას შეიკრიბოს ყველა ერი,ერთად შეიკრიბონ ხალხები.+
ვის შეუძლია მათ შორის* ამის თქმა?
გაგვაგებინებენ უპირველესს*?+
მოიყვანონ თავიანთი მოწმეები თავიანთი სიმართლის დასამტკიცებლად,რომ მოისმინონ და თქვან, ეს სიმართლეაო.+
10 თქვენ ხართ ჩემი მოწმეები,+ — ამბობს იეჰოვა, —ჩემი მსახური, რომელიც ამოვირჩიე,+რათა გცოდნოდათ და გერწმუნათ ჩემიდა მიმხვდარიყავით, რომ მე იგივე ვარ.+
ჩემამდე არ უარსებია ღმერთსდა არც ჩემ შემდეგ იარსებებს.+
11 მე, მე ვარ იეჰოვა+ და ჩემ გარდა არავინაა მხსნელი.+
12 მე ვაუწყებდი, ვიხსნიდი და ვაცხადებდი,
როცა თქვენ შორის არ იყო სხვა ღმერთი.+
ასე რომ, თქვენ ხართ ჩემი მოწმეები, — ამბობს იეჰოვა, — და მე ღმერთი ვარ.+
13 მე ყოველთვის იგივე ვარ+და ვერავინ ვერაფერს გამომტაცებს ხელიდან.+
როცა ვმოქმედებ, წინ ვინ აღმიდგება?!“+
14 აი, რას ამბობს იეჰოვა, თქვენი გამომსყიდველი,+ ისრაელის წმინდა:+
„თქვენი გულისთვის გავგზავნი ჯარს ბაბილონში და ჩამოვყრი კარიბჭეთა ურდულებს,+თავიანთ ხომალდებში სიმწრით აღრიალდებიან ქალდეველები.+
15 მე ვარ იეჰოვა, თქვენი წმინდა,+ ისრაელის შემოქმედი,+ თქვენი მეფე“.+
16 აი, რას ამბობს იეჰოვა,ზღვაში გზისა და ბობოქარ წყლებში სავალის გამკვალავი,+
17 საომარი ეტლისა და ცხენის,+ჯარისა და მამაცი მებრძოლების ერთად გამომყვანი:
„დაწვებიან და ვეღარ ადგებიან.+
გაქრებიან და პატრუქივით ჩაქრებიან.
18 ნუ გაიხსენებთ პირვანდელს,უწინდელზე ნუ იფიქრებთ.
19 აი, რაღაც ახალს ვიქმ!+უკვე ჩანს ის.
განა ვერ მიხვდებით?!
უდაბნოში გავკვალავ გზას+და ხრიოკზე მდინარეებს ვადინებ.+
20 განმადიდებენ მინდვრის მხეცები,ტურები და სირაქლემები,რადგან უდაბნოშიც კი იდინებს წყალიდა ხრიოკზე — მდინარეები,+რათა დალიოს ჩემმა ხალხმა,+ ჩემმა რჩეულმა,
21 ხალხმა, რომელიც ჩემთვის შევქმენიჩემი დიდების გამცხადებლად.+
22 მაგრამ შენ არ მომიხმე, იაკობ,+რადგან დაიღალე ჩემით, ისრაელო.+
23 არ მოგიტანია ჩემთვის ცხვარი მთლიანად დასაწვავ მსხვერპლად,შესაწირავებით არ განგიდიდებივარ.
არ დამიძალებია, რომ ძღვენი მოგერთმია ჩემთვის,არც გუნდრუკის კმევით დამიღლიხარ.+
24 არ გიყიდია ჩემთვის ტკბილი ლერწამი;არ გაგიძღივარ მსხვერპლის ქონით.+
შენი ცოდვები ტვირთად დამაწვა,დამღალე შენი დანაშაულით.+
25 მე, მე ვშლი შენს ცოდვებს+ ჩემი გულისთვის,+არ გავიხსენებ შენს ცოდვებს.+
26 გამახსენე; სამსჯავროზე დავუპირისპირდეთ ერთმანეთს,თქვი შენი სათქმელი შენი სიმართლის დასამტკიცებლად.
27 შენმა პირველმა წინაპარმა შესცოდადა შენი წარმომადგენლები მეურჩნენ.+
28 შეურაცხვყოფ წმინდა ადგილის მთავრებს;იაკობს გადავცემ გასანადგურებლადდა ისრაელს გასალანძღავად“.+
სქოლიოები
^ სავარაუდოდ, იგულისხმება ის, რაც პირველ რიგში უნდა მოხდეს.
^ შესაძლოა იგულისხმებიან ცრუ ღმერთები.
