Karum ya lu ai. Hpa majaw nga yang, “myit kaji garen nga ai ni hpe karum n-gun jaw ai Karai Kasang” kaw na, kaja htum karum shingtau lam hpe lu la mai ai majaw re.—2 Korinhtu 7:6, JCLB.

•   Hkam jan lu ai atsam. Na a manghkang yawng hpe Karai Kasang la kau ya na n re. Raitim, mang hkang ni hpe tawt lai lu hkra hkam jan lu ai atsam hpe nang hpyi ai shaloi, na a akyu hpyi ga hpe mahtai jaw ai hku nna, nang hpe “n-gun lagaw shaja ya” na re. (Hpilipi 4:13) Chyum Laika hta “Yehowa gaw myit maku daw ai ni hte ani sha rai nga ai” ngu tsun da ai majaw, Karai Kasang gaw na a akyu hpyi ga hpe madat ya na matu jin jin rai nga ai hpe kam mai ai. (Shakawn 34:18) Teng nga yang, na a hkamsha lam ni hpe ga si ni hte n tsun dan lu yang pyi, nang karum hpyi ai hpe Karai Kasang na lu ai.—Roma 8:26, 27.

•   Kasi ningli ni. Chyum Laika ka ai marai langai gaw, Karai Kasang kaw ndai hku akyu hpyi wa ai: “Nye a myit htum ai shara kaw nna nang hpe ngai shaga nngai.” Karai Kasang gaw anhte hpe mara raw ya mayu ai lam Chyum Laika ka ai wa myit dum ai hku nna, myit daw myit hten ai aten hta myit hkyem sa lam lu wa ai. Ngut nna, shi ndai hku tsun ai: “Yehowa e, nang mara matsing nga yang gaw, Madu e, kadai tsap nga lu na rai ta? Rai ti mung, nang hpe hkrit hkungga nga mu ga, Nang gaw mara hpe raw dat kau ya ndai.”—Shakawn 130:1, 3, 4

•   Myit mada lam. Karai Kasang gaw ya aten hta shalan shabran lam jaw ai sha n-ga, htawm hpang hta myit daw myit hten shangun ai lam ni yawng hpe, yeng seng kau ya na ngu mung ga sadi jaw da ai. Dai ga sadi gaw ndai chyum ga hte maren hpring tsun wa na re: “Shawng na lam ni hpe dum na mung n rai, myit sumru yu na mung n rai.”—Esaia 65:17.

 Sadi na matu: Yehowa Sakse Ni gaw Karai Kasang a karum shingtau lam hpe hkap la tim, myit daw myit hten lam ni a matu tsi tsi ai hpe mung hkam la ga ai. (Marku 2:17) Raitim, tsi tsi ai ladat lama ma hpe grau nna n-gun jaw ai lam gaw n galaw ai. Dai hte seng nna, tinang nan dawdan ra ai ngu anhte sawn la ai.