Ndai website hpe Karai Kasang a lam, Chyum Laika hte Yehowa Sakse ni a lam grau chye wa hkra lajang da ya ai. Nang myit lawm ai lam ni hpe hti mai, yu mai, download galaw mai ai. Anhte a website kaw nna kaga ni hpe akyu lu la shangun mayu ai. Raitim, ndai website hta lawm ai lam ni hpe kaga website (sh) application kaw bai hkum mara. Kaga ni hpe tsun dan mayu yang, lawu na Hkan Sa Ra Na Tara Ni hta tsun da ai hte maren ndai website hpe sha matsun ya mai ai.

•  Copyright

•  Masat Kumla Ni

•  Hkan Sa Ra Na Tara Ni Hte Website Hpe Lang Na Ahkang

•  Tsi Hpaji Hte Seng Ai Daw

•  Ama N Hkam Ai, Lit N La Ai

•  Hkan Sa Ra Na Tara Ni Hpe Tawt Lai Ai Lam

•  Galai Shai Ai Lam

•  Upadi Hte Tara Dawdan Na Ahkang

•  Matut Nna Tara Shang

•  Myit Hkrum Ai Lam

© 2024 Watch Tower Bible and Tract Society of Pennsylvania. Hkrang Madu.

Ndai website hpe Watchtower Bible and Tract Society of New York, Inc. (“Watchtower”), (“ကင်းမျှော်စင် အသင်း”) gaw mara da nna zing da ai re. Kaga tsun da ai lam ni n lawm yang, website hta mara da ai ga yan ni hte lam yawng mayawng hpe, Watch Tower Bible and Tract Society of Pennsylvania (“Watch Tower”), (“ကင်းမျှော်စင် အသင်း”) madu ai re.

Adobe, Adobe masat kumla hte Acrobat, Acrobat masat kumla ni gaw Adobe hpung a tara shang galaw da ai lam ni re. Apple, iTunes hte iPod ni gaw Apple company a masat kumla ni re. Microsoft, Microsoft masat kumla, Microsoft Office, Microsoft Office 365 hte hpawn Microsoft software hte arung arai ni gaw, Microsoft company a masat kumla re. Android gaw Google LLC a masat kumla re. Android robot gaw Google kaw nna shapraw ai arai ningnan (sh) bai gram da ai re. Creative Commons 3.0 Attribution License (https://creativecommons.org/licenses/by/3.0/us/) hta madun da ai tara ni hte maren akyu jashawn ai. Kaga masat kumla ni hte tara shang galaw da ai masat kumla ni gaw seng ang ai uhpung uhpawng madu ai re.

Ndai website hpe lang na nga yang, Hkan Sa Ra Na Tara Ni hpe hkan sa ra ai. Nang gaw ndai website hpe akyu jashawn ai nga yang, kaga hkan sa ra na tara (“Hkan Sa Ra Na Tara” yawng) hpe tsep kawp myit hkrum ai lam madun ai hku re. Tara langai ngai hpe n hkan sa lu yang, ndai website hpe hkum lang.

Ndai website hpe gara hku nna jaw ai hku lang na kun? Lawu hta madun da ai tara ni hpe hkan sa u:

• Website hta mara da ai Sin Langchyi hpung madu ai electronic laili laika, mahkawn, sumla, ga yan, soi da ai sumla, video ni hpe yu mai, tinang a matu download galaw mai, laika hte shaw la mai ai. Bai dut na ahkang gaw n nga ai.

• Download galaw mai ai laili laika, video, nsen rim da ai ni a link hpe kaga masha ni hpe sa ya mai ai. Tinang download galaw da ai ni hpe mung jaw mai ai.

• Ndai website hta mara da ai soi da ai sumla, electronic laili laika, masat kumla, mahkawn, sumla, video, sumhpa ni hpe Internet (kaga website, file shabra ai site, video shabra ai site, shawa matut mahkai ai) hta n mai mara ai.

• Ndai website hta mara da ai soi da ai sumla, electronic laili laika, masat kumla, mahkawn, sumla, video, sumhpa ni hpe (kaga software application kaw nna lang da ai server a matu shalun da ai hte hpawn) gara software application hte raitim, adaw achyen hku raitim shabra ai baw n mai galaw ai.

• Ndai website hta mara da ai soi da ai sumla, electronic laili laika, masat kumla, mahkawn, sumla, video, sumhpa ni hpe ja gumhpraw amyat lu na matu shabra ai, bai dip shapraw ai, copy bai galaw ai hpe (amyat n la yang pyi) n mai galaw ai.

• Shabra na matu yaw shada ai lam hte Data, HTML, sumla, ga yan ni hpe mahkawng da mai ai, copy galaw mai ai, download galaw mai ai baw software ni, hkingrai ni, ladat hpaji ni hpe gin shalat ai baw hkum galaw. (Ndai site hta, electronic laili laika ni hpe manu jahpu n jaw ra ai sha download galaw la mai ai EPUB, PDF, MP3, hte MP4 ni shabra ai hpe hkum pat nga ai n re.)

• Dan dan leng leng n madun da ai kaga ladat hpe lang nna, ndai website (sh) galaw da ya ai lam hpe ginjang ai baw n mai galaw ai.

• Ndai website hpe jahten sharun mayu ai myit jasat hte lang ai, website hta lu la mai ai ni hpe jahten ai baw n mai galaw ai. Ndai website hpe upadi hte nhtan shai ai, n ding man ai, hkra machyi shangun ai lam hte n mai lang ai.

• Ndai website hta mara da ai soi da ai sumla, electronic laili laika, masat kumla, mahkawn, sumla, ga yan, video ni hpe bai dut na matu yaw shada let n mai lang ai.

• Ndai website hta Google Lamu Ga Sumla hpe lang da ai. Google website hpe anhte n hkang lu ai. Ndai website kaw nna, Google Lamu Ga Sumla hpe lang na nga yang, Google Maps/Google Earth a Hkan Sa Ra Na Tara Ni hpe hkan sa ra ai. Update galaw ai lam ni hpe anhte n chye lu ai majaw, Google Lamu Ga Sumla website a galaw da ai lam ni hpe n lang shi yang, Hkan Sa Ra Na Tara Ni hpe bai maram yu u. Tara ni hpe n hkan sa lu ai nga yang, Google Lamu Ga Sumla galaw da ai lam hpe hkum lang. Google Lamu Ga Sumla gaw gara lam hpe mung ndai website de bai n sa ya ai.

 Ndai daw hta lawm ai lam ni gaw, machye machyang jaw mayu ai sha re. Tsi mawan hte seng nna, hpaji jaw ai n re ai sha n-ga, sarawun ni a hpaji jaw ai lam, tsi jep ai lam, tsi tsi ai ladat ni hpe galai nna lang na matu mung n yaw shada ai. Ndai Tsi Hpaji Hte Seng Ai Daw hta, madun da ai chyam yu ai lam ni, sarawun ni, tsi mawan ni, tsi ai ladat ni, hpaji jaw ga ni hte kaga lam ni hpe madi shadaw ai mung n re.

Ana ahkya hte seng ai masa, tsi tsi ai lam hte seng nna san mayu ai lam nga yang, kunghpan ai sarawun ni hte bawngban u.

Ndai Tsi Hpaji Hte Seng Ai Daw hta, tup hkrak tengman ai hpang jahtum lu ai lam ni hpe madun dan na re. Raitim, ndai daw hta hti mai ai lam ni gaw byin ai masa hte maren madun da ai. Dai lam ni hpe ding tawk raitim, kaga lam hku raitim ama hkam da ai n re. Ndai lam ni gaw, kam mai ai, tup hkrak jaw ai, aten shagu asung shang ai, tup hkrak re ai ngu nna, ama hkam da ai n re. Madun da ai lam ni hte maren galaw nna, shut ai lam ni lawm na nga yang, ndai website gaw lit n la ai. Madun da ai hte maren galaw ai gaw nang lata ai lam sha re. Ndai lam hte maren galaw ai raitim, n galaw ai raitim, sum mat ai lam, hkra machyi ai lam, si mat ai lam, ja gumhpraw sum ai lam ni a matu ndai website hpe mara n mai shagun ai. Ama hkam da ai lam hte maren galaw ai, ga shaka laika hte maren galaw ai, ga shaka laika hpe tawt lai nna galaw ai, upadi hte maren galaw ai raitim, lu wa na akyu ni hpe anhte hpe shana ya ai raitim, n shana ya ai raitim, ndai website a lit n re.

 Ndai website hte website kaw na lu la ai lam, shiga, ginlam hte kaga lam yawng hpe Sin Langchyi hpung gaw “byin ai hte maren” lajang da ya ai re. Sin Langchyi hpung gaw gara baw hkrang, gara madun da ai lam, gara matsun da ai lam ni a matu, malai galaw ya ai, ama hkam ya ai lam n nga ai.

Ndai website gaw viruse shing nrai kaga shoihpa byin ai lam ni n nga ai ngu, Sin Langchyi hpung gaw ama n hkam ai. Galaw da ya ai lam langai ngai, mara da ai lam langai ngai kaw shang nna, byin pru wa na hkra machyi ai lam ni a matu, Sin Langchyi hpung hta lit n nga ai. Ndai website kaw nna kaga galaw da ya ai lam ni de shang ai majaw, dingtawk, kaga lam hku, n myit mada da ai lam hku grai sawng ai hku hkra machyi ai lam ni byin chye ai.

 Hkan Sa Ra Na Tara Ni hpe n hkan sa ai sha, lang na nga yang Sin Langchyi (hpung) gaw Sin Langchyi (hpung) a kaga tara shang ai lam ni hte maren nang hpe tara shawk shawn na re. Ndai website de shang na ahkang, website de shang na matu hpyi shawn da ai internet galaw ya ai lam ni hpe matut mahkai nna, ndai website de shang na matu akyu jashawn ai hkring dat (IP address) hpe hkum pat mai ai. Shing nrai jahten sharun ai hpe makawp maga na matu upadi hte maren tara shawk shawn na re.

 Website lang ai hte seng ai Hkan Sa Ra Na Tara Ni hpe Sin Langchyi (hpung) gaw bai gram lajang mai ai. Dai gram da ai lam ni gaw, ndau shabra ai shani kaw nna tara shang ai. Hkan Sa Ra Na Tara Ni hte seng nna hpang jahtum gram lajang da ai ni hpe chye na matu, ndai laika man hpe ayan hti u.

 Hkan Sa Ra Na Tara Ni hpe Amerikan mungdan, New York mung daw asuya a upadi hte maren galaw da ai re. Hkan Sa Ra Na Tara Ni hte seng ai tara shawk shawn ai lam ni gaw Amerikan mungdan, New York mung daw asuya tara rung a tara dawdan ai hte maren re.

 Tara dawdan na ahkang tsep kawp nga ai tara rung na tara ni hta lawm ai langai hpe shaw la ai, n seng ang ai, n madi shadaw ai, upadi hte maren n re ai ngu dawdan ai nga yang pyi kaga tara ni chyawm gaw matut nna tara shang nga ai. Sin Langchyi (hpung) gaw Hkan Sa Ra Na Tara langai ngai hpe shaw la kau ai lam tara shang n tsun da ai nga yang, dai tara hpe n hkan sa ra ai ngu n mai sawn la ai.

 Nang hte Sin Langchyi (hpung) myit hkrum da ai website akyu jashawn ai hte seng nna, hkan sa ra na tara yawng hpe lahta de madun da ai myit hkrum ai lam hte maren malai bang da ga ai.