MATUT MAJA NGA MU!
2022, Kashuk Kashak Byin La Ai Shaning—Chyum Laika Hta Hpa Tsun Da Ai Kun?
2022 laman, majan, sut hpaga mayak mahkak, shingra tara tsin-yam hte seng ai shiga ni ayan na lu nga ai. Dai lam ni hpa majaw byin nga ai hte seng nna Chyum Laika sha sanglang dan lu ai.
2022 na mabyin ni hpa majaw byin ai lam
2022 na mabyin ni gaw, Chyum Laika hta tsun da ai “hpang jahtum na nhtoi” hta anhte asak hkrung nga ai lam madun dan nga ai. (2 Timohti 3:1) Dai aten ladaw gaw, 1914 hta hpang wa ai. Chyum Laika tau hkrau tsun da ai hte ya byin nga ai mabyin ni gaw, tup hkrak re ai hpe sadi yu u:
“Majan.”—Mahte 24:6.
“2022 Hta Urawpa Kaw Hkrit Hpa Majan Tsin-yam Ni Bai Hkrum.” a
“Yukaring Hpe Rasha Shang Gasat” (Myen) ngu ai sumhpa hpe yu u.
“Hku hku ai.”—Mahte 24:7.
“2022 Gaw Hku Hku Ai Lam Grai Sawng Ai Shaning Re.” b
“Yukaring Majan A Majaw Mungkan Ting Lusha Hku Hku Ai Lam Grau Sawng Wa” ngu ai sumhpa hpe yu u.
“Ana zinli.”—Luka 21:11.
“Bai sawng wa ai Poliyu ana, chyam bra wa ai woi galang gyi ana (monkeypox), matut jamjau jaw nga ai COVID-19 ana ni a majaw, kap bra ana a shoihpa hpe asan sha mu lu nga nna, shinggyim masha ni hpe grai hkra machyi shangun nga ai.” c
“COVID A Majaw Masha Wan 6 Si Mat Ai” ngu ai sumhpa hpe yu u.
‘Hkrithpa lam.’—Luka 21:11.
“Kahtet nsa lai ai, jan gri ai, sharaw wan hkru ai, hka sha-u ing ai. 2022 ginhtawng ta hpe grai sawng ai du hkra ladaw mabyin ni hte ginrun nna matsing nga na re. Grai htenza wa ai, masha hkying hku si ai, wan hku law ai masha ni dum nta n nga mat ai.” d
“Mungkan Ting Sawng Dik Htum Kahtet Shadang Tsaw Wa Ai Lam” (Myen) ngu ai sumhpa hpe yu u.
“Gumlau rawt ai lam.”—Luka 21:9.
“2022 hta, sut hpaga manghkang, laksan hku nna gunrai manu rawt ai lam ni hte seng nna mung masha ni grai masin pawt ai majaw, asuya ni hpe ninghkap ai lam ni law wa ai.” e
“Mungkan Ting Hta Kalang Ta Byin Wa Ai Gunrai Manu Rawt Ai Lam” (Myen) ngu ai sumhpa hpe yu u.
Hpang shaning hta hpa byin wa na kun?
2023 hta hpa ni byin wa na ngu ai hpe kadai n chye ai. Raitim, kade n na yang, Karai A Mungdan (sh) sumsing asuya gaw, mungkan ga hpe galai shai ya sana ngu ai hpe gaw anhte chye ai. (Daniela 2:44) Dai asuya gaw, shinggyim masha ni hpe hkra machyi shangun ai lam ni hpe yeng seng kau ya na, mungkan ntsa hta Karai a myit ra ai lam byin hkra galaw ya na re.—Mahte 6:9, 10.
Yesu Hkristu a hpaji jaw ga hpe hkan sa na matu, mungkan a mabyin ni gaw Chyum Laika myihtoi ga hpe gara hku jahpring shatsup ya nga ai hpe “a maja nga” na matu anhte n-gun jaw mayu ai. (Marku 13:37) Chyum Laika gaw, ya aten nang hte na a dinghku hpe gara hku karum ya lu ai lam, kaja htum htawm hpang myit mada lam gara hku jaw lu ai ngu ai hpe grau chye mayu yang, anhte hpe matut mahkai u.
a AP Shiga, 2022, December 8, Je Lawlet a “2022 Hta Urawpa Kaw Hkrit Hpa Majan Tsin-yam Ni Bai Hkrum” ngu ai sumhpa.
b Mungkan Lusha Madi Shadaw Hpung kaw na shapraw ai “Mungkan Ting Lusha Hku Hku Ai Lam” sumhpa.
c JAMA Hkamja Lam Hte Seng Ai Hporam, 2022, September 22, Lawren O. Gostin, JD ka ai “Kap Bra Ana Laman Asak Hkrung Ai Lam—COVID-19 Kaw Nna Woi Galang Gyi Ana, Poliyu Ana, Hpang Hta Byin Wa Na Ana Zinli Ni De” sumhpa.
d Earth.Org, 2022, October 24, Matina Igini ka ai “2022 Ginhtawng A Sawng Dik Ai Du Hkra Ladaw Mabyin Gaw Hpa Majaw Byin Ai?” sumhpa.
e Mungdan Ga Daga Simsa Lam A Matu Kanigi Madi Shadaw Hpung, 2022, December 8, Tomat Karota hte Benjamin Hpaletman ka ai “Sut Hpaga Lam Hte Seng Nna Masin Pawt Ai Majaw 2022 Hta Mungkan Ting N-gun Madun Lam Byin” sumhpa.
You May Also Like
ESSENTIAL BIBLE TEACHINGS
Karai A Mungdan Ngu Ai Gaw Hpa Rai Ta?
Yesu a magam hta Karai Kasang a Mungdan a lam grau nna htawn tsun wa ai. Karai Kasang a Mungdan du wa na matu tsaban law law kaw nna masha ni akyu hpyi wa ma ai.
AHKYAK AI SHARIN ACHYIN LAM NI
Karai A Mungdan Gaw 1914 Hta Uphkang Nga Sai
Lai wa sai shaning 2,600 jan kaw nna, n-gun ja ai hkawhkam langai hpe Karai Kasang jaw wa ai yupmang gaw, ya hpring tsup nga sai.
ANHTE A LAM
Sa Chyai Na Matu Hpyi Shawn U
Chyum Laika ga san langai hpe bawngban u (sh) Yehowa Sakse ni a lam hkaja yu u.
