Kwa ĩvinda, Ngai nĩweetĩkĩlĩtye mũndũ kũtwaa iveti mbingĩ. (Mwambĩlĩlyo 4:19; 16:1-4; 29:18-29) Ĩndĩ kuma mwambĩlĩlyonĩ Ngai ndavangĩte mũndũ ethĩwe na iveti mbingĩ. Amũeteie Atamu o kĩveti kĩmwe.

 Yesũ Klĩsto, e na ũkũmũ kuma kwa Ngai, nĩwawetie ĩngĩ mũvango wa Ngai wa mwambĩĩonĩ, kana mũndũũme aĩle kũtwaa kĩveti o kĩmwe. (Yoana 8:28) Ĩla wakũlilwʼe ĩũlũ wa mũtwaano, Yesũ aisye: “We ũla wamombie mbee, amombie mũndũ mũũme na mũndũ mũka, na asya, Kwondũ wa ũu mũndũ akatia ĩthe na nyinyia, na akalũmanʼya na mũka wake; na me elĩ makeethĩwa mwĩĩ ũmwe?”—Mathayo 19:4, 5.

 Ĩtina, ũmwe wa amanyĩwʼa ma Yesũ aveveeiwe nĩ Ngai aandĩka: “Kĩla mũndũ nĩethĩwe na kĩveti kyake mwene, na kĩla mũndũ mũka nake nĩethĩwe na mũũme wake mwene.” (1 Akolintho 7:2) Ĩngĩ Mbivilia ĩwetete kana mũndũũme ũtwaanĩte, nĩ kana ethĩwe na ianda nthĩnĩ wa kĩkundi, aĩle kwĩthĩwa “mũũme wa kĩveti o kĩmwe”—1 Timotheo 3:2, 12