Pɩyɛɛrɩ takayaɣ kajalaɣ ñɩŋga 2:1-25
2 Pʋyɔɔ lɛ, ɩlɔ lakasɩ kɩdɛkɛdɩsɩ tɩŋa+ nɛ pɔbɔtʋ nɛ pɩ-tɛɛ nɛ pɩ-yɔɔ lakasɩ nɛ ɛsɩsɛmɩyɛ nɛ kɔlɔmɔtʋ tɩŋa.
2 Ɛzɩ piya ajamaa yɔ,+ ɩkpɛlɩkɩ ɛzɩma mi-liu ɛwɛɛ Ɛsɔ tɔm tɛ naalɩm mbʋ pɩ-taa patisidi nabʋyʋ yɔ* siŋŋ, se pɩsa nɛ pɩtɩŋnɩ pɩ-yɔɔ lɛ, ɩpaɣlɩ nɛ ihiɣ ñʋʋ yabʋ,+
3 ɩñɩtɩ nɛ ɩɖɩŋ nɛ ɩna se Kɩbaɣlʋ wɛ ɖeu.
4 Alɩwaatʋ ndʋ ɩkɔŋ ɛ-cɔlɔ yɔ, ɛnʋ weyi ɛkɛ pɩyɛ nɖɩ ɖɩwɛ wezuu nɛ ɛyaa lɔ-ɖɩ+ ɛlɛ Ɛsɔ ñalɩzɩ-ɖɩ, nɛ ɖɩwɛ ñɩm ɛ-ɛsɩndaa yɔ,+
5 mɩ-maɣmaɣ ɩwɛ ɛzɩ pɛɛ wena awɛ wezuu nɛ pakpaɣ-yɛ nɛ pɛwɛɛ pamaɣnɩ fezuu taa ɖɩɣa+ se ɩkɛ cɔjɔtʋ kiɖeɖetu yɔ, se pɩsa nɛ ɩlaa fezuu taa kɩlaŋ+ weyi ɩkɛdɩnɩ Ɛsɔ pɩtɩŋnɩ Yesu Krɩstʋ yɔɔ yɔ.+
6 Mbʋ pʋyɔɔ yɔ pɔyɔɔdʋʋ Masɩ taa se: «Ɩna! Menɖiɣni sɩʋ Siyɔŋ taa pɩyɛ kɩlɩzɩyɛ naɖɩyɛ, kɔna taa tigiɖe pɩyɛ nɖɩ ɖɩwɛ ñɩm yɔ, nɛ weyi ɛwɛɣnɩ tisuu ɖɩ-yɔɔ yɔ, fɛyɛ ɛɛkaɣ-ɩ kpaʋ* wiɖiyi.»+
7 Ye mbʋ, mɩ-ɛsɩndaa ɛwɛ ñɩm, mbʋ pʋyɔɔ yɔ ɩkɛ mba pɛwɛnɩ tisuu yɔ; ɛlɛ mba pɛfɛyɩnɩ tisuu yɔ pɛ-ɛsɩndaa lɛ, «pɩyɛ nɖɩ kuduyuŋ mayaa lɔwa yɔ,+ nɖɩ pɩsɩnɩ kɔna taa pɩyɛ nɖɩ ɖɩ-tɔm kɩlɩ cɛyʋʋ yɔ»*+
8 nɛ «pɩyɛ nɖɩ ɖituuluu yɔ nɛ kaaʋ ŋgʋ kɩpadɩɣ yɔ.»+ Piɖiɣni-wɛ tuuluu, mbʋ pʋyɔɔ yɔ paañaŋ Ɛsɔ tɔm. Nɛ mbʋ ɖeyi ɖeyi paaɖʋwa se pɩkaɣ-wɛ tɛmnʋʋ.
9 Ɛlɛ ɩkɛ «liɖe nɖɩ palɩzaa yɔ, kewiyaɣ cɔjɔtʋ, ɛjaɖɛ kiɖeɖeye,+ samaɣ ŋga palɩzɩ-kɛ se kɛkɛ ŋgee pʋyʋ yɔ,+ se pɩsa nɛ isusi paa le» Weyi ɛya-mɩ nɛ cɩkpɛndʋʋ tɛɛ nɛ ɛkɔnɩ-mɩ ɛ-ñalɩmɩyɛ sɔsɔɖɛ taa yɔ,+ «ɛ-wɛtʋ kɩbandʋ nɛ ɛ-tʋma.»+
10 Mbʋ pʋyɔɔ yɔ ɖooo lɛ ɩtaakɛ samaɣ, ɛlɛ lɛɛlɛɛyɔ lɛ ɩkɛ Ɛsɔ samaɣ;+ ɖooo lɛ pataana mɩ-pʋtɔdɩyɛ, ɛlɛ lɛɛlɛɛyɔ lɛ, pana mɩ-pʋtɔdɩyɛ.+
11 Man-kʋsɔɔlaa, menseɣtiɣ-mɩ, mɩ mba ɩkɛ agɔma nɛ mba pɛwɛ ɛjaɖɛ yɔɔ alɩwaatʋ pazɩ yɔ+ se ikizi tomnaɣ sɔɔlɩm+ mbʋ piyouni-mɩ* yɔ.+
12 Ɩɖɔ ɖɔnɛ kɩbanɖɛ ajɛɛ hɛkʋ taa,+ se pɩsa nɛ alɩwaatʋ ndʋ pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, papɩzɩ nɛ pananɩ pɛ-ɛsa mɩ-tʋma kɩbana,+ nɛ piyele nɛ pasa Ɛsɔ e-kilimuu kɩyakʋ wiye.
13 Kɩbaɣlʋ yɔɔ lɛ, iluzi mɩ-tɩ ɛyaa ɖʋtʋ tɩŋa tɛɛ,+ paa pɩtɩɩkɛ wiyaʋ yɔ,+ mbʋ pʋyɔɔ yɔ ɛkɩlɩ-mɩ,
14 yaa paa pɩtɩɩkɛ komina ñʋndɩnaa yɔ, mbʋ pʋyɔɔ yɔ ɛnʋ tiyini-wɛ se pɔhɔ kɩdɛkɛdɩm laɖaa nɩŋgbaŋʋʋ ɛlɛ pasa mba palakɩ kɩbandʋ yɔ.+
15 Mbʋ pʋyɔɔ yɔ pɩkɛnɩ Ɛsɔ sɔɔlɩm se ɩtɩŋɩɣnɩ kɩbandʋ labʋ yɔɔ nɛ ɩpɩzɩ ɩsɩnzɩ kɩmɛlɛmɩŋ kɩɩsɩŋɩyɩtʋ tɔm.+
16 Ɩwɛɛ ɛzɩ samaɣ ŋga kɛwɛ ka-tɩ yɔɔ yɔ,+ ɩtaalabɩnɩ tʋmɩyɛ mɩ-tɩ yɔɔ wɛʋ ɛzɩ kawanaɣ yɔ nɛ ɩlakɩ lakasɩ kɩdɛkɛdɩsɩ;*+ ɛlɛ ɩlabɩnɩ-pʋ tʋmɩyɛ ɛzɩ Ɛsɔ yomaa yɔ.+
17 Ɩɖʋ hɩɖɛ ɛyaa ndɩ ndɩ,*+ ɩsɔɔlɩ ɛjaɖɛ kpeekpe yɔɔ koobiya,+ ise Ɛsɔ sɔɔndʋ,+ ɩɖʋ wiyaʋ hɩɖɛ.+
18 Lɩmɖʋyaa iluzi pa-tɩ pa-caanaa tɛɛ nɛ ñamtʋ kpeekpe ndʋ tɩmʋnɩ-wɛ yɔ,+ pɩtaakɛ mba pɛkɛ kɩbama nɛ panɩɣ tɔm taa yɔ pe-ɖeke pɛ-tɛɛ, ɛlɛ mba ɖɔɖɔ pɔ-tɔm caɣ kaɖɛ yɔ pɛ-tɛɛ.
19 Mbʋ pʋyɔɔ yɔ ye nɔɔyʋ ɛɖɔkʋʋ ɛ-laŋɩyɛ kaɖɛ wɛtʋ* taa nɛ ɛtɔkɩ kʋñɔŋ ɖulum mbʋ pʋyɔɔ yɔ ɛñakɩ pana se ɛwɛɛnɩ ɛhʋyɛ kɩbanɖɛ Ɛsɔ ɛsɩndaa yɔ, pɩkɛ mbʋ pɩwɛ ɖeu yɔ.+
20 Mbʋ pʋyɔɔ yɔ pɩwazɩɣ we ye kɩwɛɛkɩm yɔɔ pamakɩ-mɩ nɛ ɩɖɔkʋʋ mɩ-laŋa yɔ?+ Ɛlɛ ye ɩɖɔkʋʋ mɩ-laŋa kʋñɔŋ taa mbʋ pʋyɔɔ yɔ ɩlakɩ kɩbandʋ yɔ, mbʋ kɛdɩɣnɩnɩ Ɛsɔ.+
21 Toovenim taa lɛ, nʋmɔʋ ŋgʋ kɩ-taa paya-mɩ, mbʋ pʋyɔɔ yɔ Krɩstʋ maɣmaɣ tɔɔ kʋñɔŋ mɩ-yɔɔ,+ nɛ ɛha-mɩ kɩɖaʋ se ɩtɩŋ ɛ-nɩŋgbanzɩ taa ɖeyi ɖeyi.+
22 Ɛtɩla kɩwɛɛkɩm nabʋyʋ,+ nɛ patɩna ɖɔɖɔ cɛtɩm tɔm natʋyʋ ɛ-nɔɔ taa.+
23 Alɩwaatʋ ndʋ patʋwaɣ-ɩ* yɔ,+ ɛtɩtʋʋ* nɔɔyʋ.+ Alɩwaatʋ ndʋ ɛtɔkaɣ kʋñɔŋ yɔ,+ ɛtɩkpɛzɩ nɔɔyʋ; ɛlɛ eyebi ɛ-tɩ nɛ Weyi ɛhʋʋ tɔm+ siɣsiɣ yɔ.
24 Ɛ-maɣmaɣ ɛkpaɣ ɖa-kɩwɛɛkɩm+ ɛ-maɣmaɣ e-tomnaɣ yɔɔ sizika* yɔɔ,+ se pɩsa nɛ ɖɩsɩ kɩwɛɛkɩm labʋ hɔɔlʋʋ taa nɛ ɖɩwɛɛ wezuu siɣsiɣ wɛtʋ hɔɔlʋʋ taa. Nɛ «pɩtɩŋnɩ heŋ weyi paɖʋ-ɩ yɔ ɩ-yɔɔ lɛ, mɩ-yɔɔ cɛba.»+
25 Mbʋ pʋyɔɔ yɔ ɩɩwɛ ɛzɩ heŋ weyi iɖiɣni lebu yɔ,+ ɛlɛ lɛɛlɛɛyɔ lɛ ɩpɩsɩnɩ weyi ɛkɛ mɩ-kalɩzasɩ* ninɖiɣyu+ nɛ sɩ-yɔɔ cɔnɩyʋ yɔ ɛ-yɔɔ.
Pɩ-tɛɛ tɔm
^ Yaa «mbʋ pɩwɛ cɩɖɩ cɩɖɩ yɔ.»
^ Yaa «pɩɩkaɣ-ɩ tibu yɔɔɔ.»
^ Piye piye, «kɔna ñʋʋ.»
^ Yaa «piyouni kalɩzaɣ.»
^ Yaa «ɛzɩ mbʋ ihuuzuuni lakasɩ kɩdɛkɛdɩsɩ yɔɔ yɔ.»
^ Yaa «ɛyaa tindima tɩŋa.»
^ Yaa «siziŋ nɩʋ.»
^ Yaa «papaɖaɣ-ɩ.»
^ Yaa «ɛtɩpaɖɩ.»
^ Yaa «tɩʋ.»
^ Yaa «mi-weziŋ.»
