Keɣa 85:1-13
Hendu teyaa ñʋʋdʋ. Kora+ pɩyalaa hendu.
85 Oo Yehowa, ŋna ñɛ-ɛjaɖɛ pʋtɔdɩyɛ;+Yakɔɔb ñɩma mba paawoni-wɛ yomiye taa yɔ ŋpɩsɩnɩ-wɛ.+
2 Ŋkpeɣ ña-samaɣ ka-kɩwɛɛkɩm;Ŋkpeɣ-kɛ ka-kɩdɛkɛdɩm kpeekpe.*+ (Sɛɛla)
3 Ŋkpa ña-pana tɩŋa;Ŋha siɣye ñɔ-hɔpɩsɩyɛ sɔsɔɖɛ.+
4 Oo ɖa-ñʋʋ yabʋ tɛ Ɛsɔ, ɖaɣnɩ-ɖʋ pɩsɩnʋʋ,Nɛ ŋkɛzɩ kɩjaʋ pana wena ŋkɔnɩ-ɖʋ yɔ.+
5 Ŋkaɣ-ɖʋ kɔʋ nɛ pana tam?+
Ŋkaɣ wɛʋ pana taa mbʋ kpaɣnɩ kpaɖʋʋ nɛ piwolo kpaɖʋʋ na?
6 Ɛzɩ ŋŋkaɣ labʋ nɛ ɖɩɖaɣnɩ wɛʋ wezuuSe pɩsa nɛ ñɔ-yɔɔ lɛ, ña-samaɣ wɛɛ laŋhʋlʋmɩyɛ taa?+
7 Hayɩ Yehowa, wɩlɩ-ɖʋ ñɔ-sɔɔlɩm siɣsiɣ ñɩmbʋ,+Nɛ ŋya ɖa-ñʋʋ.
8 Mankaɣ welisuu tɔm ndʋ Ɛsɔ toovenim tʋ Yehowa yɔɔdʋʋ yɔ,Mbʋ pʋyɔɔ yɔ ɛkaɣ heyuu laŋhɛzɩyɛ tɔm ɛ-samaɣ,+ ɛ-ɛyaa siɣsiɣ tɩnaa,Ɛlɛ pataaɖaɣnɩ pɩsʋʋ mba pakɩlɩɣ pa-tɩ liu taʋ yɔ.+
9 Toovenim taa lɛ, ɛ-ñʋʋ yabʋ ñɔtɩnɩ mba peseɣ-i sɔɔndʋ yɔ,+Se pɩsa nɛ ɛ-samtʋ wɛɛ ɖɛ-ɛjaɖɛ taa.
10 Sɔɔlɩm siɣsiɣ ñɩmbʋ nɛ toovenim wɛʋ pakaɣ ɖama katʋʋ;Siɣsiɣ wɛtʋ nɛ laŋhɛzɩyɛ pakaɣ ɖama kpiikinuu.+
11 Toovenim wɛʋ kaɣ ñɔʋ nɛ tɛtɛɛ,Nɛ siɣsiɣ wɛtʋ kaɣ tisuu ɛsa nɛ ɛsɔdaa nɛ tɩcɔna.+
12 Ɛɛɛ, Yehowa kaɣ-ɖʋ haʋ mbʋ pɩwɛ ɖeu yɔ,*+Nɛ ɖɛ-tɛtʋ kaɣ lʋlʋʋ tɩ-tɔɔnaɣ.+
13 Siɣsiɣ wɛtʋ kaɣ ɖɔm ɛ-ɛsɩndaa+Nɛ tɩɖʋ ɛ-nɩŋgbanzɩ nʋmɔʋ.
