Mu dziviki dzi no tobela, shango dzinjinji dzowo be dzi na dzithopho. Bathu ba no tola thambo dzi buthokwa kuti ba nowo shalula batungamili bapi.

 Baibili Ikatini?

 Baibili i no lakidza chi no kongwa ne batungamili be bathu bose.

•   “Usigalebgwe mu bakololo be bushe, mu bathu ibo basina bhatsho. Ha meya yabo ithubukana nabo banobgwilila mu mavu muna ilelo zhuba mazwimisilo abo anopela.”—Pisalema 146:3, 4.

 Dumbu ne batungamili ba na bukhoni ba no pelela ba fa. Pezhugwi kwa ikoko ha ba nga thembise kuti mishingo yabo ya ka lulwama i nowo dwilila i thamiwa ne ibabo ba nowo be ba sala.—Nreri 2:18, 19.

 Malebeswa, Baibili i no lakidza kuti bathu ha ba zo thamiwa be na bukhoni gwe ku zwibusa choselele.

•   “Akute kuli mu nthu kuti alaule thambo dzidze.”—Jeremiya 10:23.

 A kuna nngwe ungabe ntungamili wa ka lulwama ngwenu?

 Baibili i no lakidza kuti Ndzimu wa ka shalula ntungamili u na bukhoni ne u no thembeka, Jesu Kirisiti. (Pisalema 2:6) Jesu i She ye Bushe gwe Ndzimu, mbuso u no laula u li kudzimu.—Matewu 6:10.

 A nowo shalula ku amuchila butungamili gwa Jesu? Baibili i no lakidza buthokwa gwe buzo iyeyi:

•   “Iwani nge zwidwi mu [kudze] Nkololo [Jesu Kirisiti], asidwe egwadzamoyo, mube mulobesiwa mu zila dzenyu. Bakashatha bose banotizhila mu nli.”—Pisalema 2:12.

 Ngwenu i chibaka chicho ku tola thambo. Buporofiti gwe Baibili go lakidza kuti Jesu wa ka tangisa ku busa ne gole le 1914 ngono Bushe gwe Ndzimu go dwa gu pedzisa mibuso yose ye bathu.—Daniele 2:44.

 Ku zwidiya se kwa u nga batsha butungamili gwa Jesu, bala nsholo u noti: “Tshegetsa Bogosi Jwa Modimo Gone Jaanong!”