“Nda ka gwisa ku bala Baibili, ngono ndo nyadziwa moyo ne bunji gwayo!”​—Briana, 15.

 Apa nawe bo u no zwihwa ne zila ya ka jalo? Chidiyo ichechi chi nga ku batsha!

•  Ini wa ka fanila bala Baibili?

•  Ndi nga bala Baibili chini?

•  Chi no legwa ne bakhwinya babo

 Apa ku kumbula koga ku bala Baibili ko nyadzamoyo? Ha kwa ka jalo, ha ku to chenamisa. U ngana u ka linga Baibili ili buka i na zebe dzi no pinda 1 000 ya ka kwagwa ne shanga tukununu i sina zwitshwantsho​—i li chi singa ke chi ka fanidzanyiwa ne TV kene dzividiyo!

 Ngono kumbula yechi: Ha u nga wana dula la ntolo li na fumwa, apa ha u nga shake ziba kuti ku na ni mukati?

 Baibili i dula la ka jalo. I na buchenchedu ne zwithu zwi njinji zwe mamo a pezhugwi zwi nga ku batsha ku

•   Tola thambo dza ka lulwama

•   Shingidzana zwibuyanana ne bazwadzi babo

•   Be ne bakhwinya ba ka gadzikana

•   Mililana ne stress

 Ini buka ya ntolo zwingapa i nga shinga mu mazhuba a ngwenu? Ne kuti “Hwalo dzose dzakafemegwa nge Ndzimu.” (2 Timoti 3:​16) Ko dwa kuti gumbuludzo li mu Baibili lo dwa ku mbumbi we Masimbaose.

 Zila ingwe wu ku bala Baibili yose. Ichecho chi nga ku bigila zibiso ye Baibili pa chena. Baibili i nga bagwa ne zila njinji dzi singa fanane. Ti nga fanisa ne zila mbili:

•    U nga bala buka dze Baibili dzi li 66 ne ku tobedzana kwadzo, ku dwa mu na Genesisi ku noti ku na Zumbunulo.

•    U nga bala Baibili ku yenda ne zila ye ku tobedzana kwe se kwa zwithu zwa ka shingikala​—ku no dwa kuti, ku tobedzana kwe zwithu se kwa zwa ka shingikala.

 Gumbuludzo: Dintlha Tse di Oketsegileng A7 mu Baebele ya Thanolo ya Lefatshe le Lesha dzi no tobedzanya zwithu zwa ka shingikala mu buchilo gwa Jeso a li mu shango.

 Zila ye bubili ye ku bala Baibili wu shalula chi no legwa ne kwacho chi no yendidzana ne mathatha a wa ka lingisana nawo. Ha ti fanisa:

•   Apa u nga da ku be ne bakhwinya ba no thembeka? Bala ne kwa Jonathani na Dafite. (1 Samuele, ndima 18-​20) Shingisa cha ka kwagwa ne kwe nsholo u no ti “Kafa o ka Nnang le Ditsala Tse di Ikanyegang ka Gone” ku zwidiya chingwe mu chili.

•   Apa u nga da ku simisa bukhoni gugo ku mililana ne dzindiko? Bala se kwa Josefa a ka khona ku mililana ne ndiko. (Genesisi, ndima 39) U bo u shingisa cha ka kwagwa mu misholo i no ti “Kafa o ka Emelanang le Thaelo ka Gone. . . Josefa​—Karolo 1” ne “O ne A Latofadiwa ka Maaka!​—Karolo 2” ku zwidiya chingwe mu chili.

•   Apa u nga da ku zwidiya kuti ntembezelo u nga ku batsha chini? Bala cha ka shingikalila Nehemiya. (Nehemiya, ndima 2) U bo u shingisa cha ka kwagwa mu nsholo u no ti “Modimo O ne A Araba Thapelo ya Gagwe” ku zwidiya chingwe mu chili.

 Gumbuludzo: Ha u bala Baibili, thama kuti pa u no zwidiyila po ku be ku sina zhoba.

 Zila ye butatu ye ku bala Baibili wu shalula chingwe cha ka kwagwa kene pisalema, u bo u bala, ku dwapo u bo u bona kuti i no shingikadziwa chini mu kuli. Shule kwe ku bala, zwibuzwe dzibuzo dzi no ti:

•    Ini Jehova a ka thama kuti ichechi chi kwagwe mu Baibili?

•    Ko lakidza buthu gwa Jehova chini kene zila ya a no thama zwithu nayo?

•    Ndi nga shingisa zibiso iyeyi chini mu buchilo gwangu?

 Gumbuludzo: Shingisa study edition ye New World Translation ku bona dzividiyo, dzimmepe, ne zwingwe zwi nga ku batsha mu ku bala Baibili.