Txeu algen na mundu interu ta meste di kumida i di un lugar pa es mora. Má, ten otus ki meste sô di un speransa pa futuru. Deus krê pa nu djuda kunpanheru. Ki bensons nu ta resebe di Deus si nu faze kel-li?

‘Ken ki ta djuda póbri sta ta pista Jeová, i El ta rekonpensa-l pa kel-li.’ — PROVÉRBIOS 19:17.

Jizus konta un stória di un ómi ki ladrons ataka-l i dipôs es dexa-l kuazi mortu. (Lucas 10:29-37 ) Un stranjeru ki staba ta pasa na kel lugar para i el djuda kel ómi ki staba tudu pankadiadu. Kel stranjeru faze kel-la, sikrê el éra di otu nason i di relijion diferenti.

Kel stranjeru kura-l ses pankada i dipôs el paga dotor pa kuida di el. Tanbê kel stranjeru konsola kel ómi.

Kuzê ki nu ta prende ku kel stória li? Jizus mostra ma nu debe djuda kes algen ki meste. (Provérbios 14:31 ) Skrituras Sagradu ta inxina ma, ka ta dura, Deus ta ben kaba ku tudu pobréza i sufrimentu. Má talvês bu ta pergunta: ‘Modi i ki ténpu ki Deus ta ben faze kel-li?’ Kel otu artigu sta ben pâpia di kes benson ki nos Kriador, ki ta ama-nu txeu, tene guardadu pa bo.