Txeu algen ta atxa ma tudu rasa ser tratadu di mésmu manera é un sonhu ki inda ka kontise.

•   “Rasismu sta kontinua ta prujudika organizasons, puzison ki pesoas ten na sosiadadi i ses dia-dia na tudu lugar. Pamodi rasismu pesoas di rasa diferenti ka ta tratadu di mésmu manera.” — António Guterres, ki é sekretáriu jeral di Nasons Unidu.

 Un dia tudu rasa ta tratadu di mésmu manera? Kuzê ki Bíblia ta fla?

 Bíblia ta inxina-nu modi ki Deus ta odja pesoas di rasa diferenti.

•   “[Deus] faze di un sô ómi tudu nason, pa es mora na téra interu”. — Atus 17:26.

•   “Deus ta trata tudu algen igual, i na tudu nason, el ta seta ken ki ta ruspeta-l i ki ta faze kel ki é dretu.” — Atus 10:34, 35.

 Bíblia ta fla ma nos tudu nu ta faze párti di un família i ma Deus ta seta algen di tudu rasa.

 Reinu di Deus, ki é un govérnu ki sta na séu, ta ben poi tudu algen ta tratadu igual. Kel govérnu li ta ben inxina tudu algen modi ki es ta trata kunpanheru dretu. Pesoas ta ben prende modi ki es ta ben kaba ku kalker sentimentu di rasismu ki es pode ten.

•   ‘Pesoas ki ta mora na téra ta ben prende justisa.’ — Isaías 26:9.

•   ‘Rezultadu di justisa di verdadi ta ser pas, i frutu di justisa di verdadi ta ser soségu i suguransa ki ka ta kaba.’ — Isaías 32:17.

 Oji, milhons di pesoas sta ta prende na Bíblia modi ki es ta trata otus algen ku ruspetu i da-s onra.

•   Pa bu sabe más, lé revista Nhos korda! ku téma “Diskriminason ten kura?”.

•   Lé artigu “Modi ki bu pode pâpia ku bus fidju sobri rasismu?” pa bu prende modi ki pai ku mai pode pâpia ku ses fidjus sobri kel asuntu li.