Kimvuka ya 3 ya Bafoto ya Warwick (Yantika na Yanuari Tii na Aprili 2015)
Na nzila ya bafoto yai, tala mutindu kisalu ke salama kisika yina Bambangi ya Yehowa ke tunga babiro na bo ya ke twadisaka kisalu na ntoto ya mvimba yantika na Yanuari tii na Aprili 2015.
Mutindu lupangu ya mvimba ya Warwick ta vanda kana kisalu ya kutunga me mana. Yantika na diboko ya kimama tii na diboko ya kitata:
Nzo ya Kuyidika Bakaminio
Parking ya Banzenza
Nzo ya Bo Ke Yidikaka Bima/Parking ya Bantu ya Betele
Nzo ya Kulala B
Nzo ya Kulala D
Nzo ya Kulala C
Nzo ya Kulala A
Babiro
Yanuari 2, 2015—Nzo ya Kuyidika Bakaminio
Harold Corkern, nsadisi na Komite ya Bambasisi ya Nto-Kimvuka, ke sala diskure ya kele na ntu-diambu: “Beno Monisa nde Beno Ke Sala Kisalu Yina Beno Fwete Sala.” Mitubi ke kwendaka kutala Warwick mbala na mbala sambu na kupesa bampangi yina ke sala kikesa.
Yanuari 14, 2015—Babiro
Kapo yai ya mpembe ke tanina bampangi yina ke sala kisalu mpi ke sadisa bo na kulanda kusala bisalu na bo na nsungi ya madidi. Kisika ya kudia, ya kusansa bambefo, ya kulamba, ya kuyobisa mpi ya kugoma bilele ta vanda na nzo yai.
Yanuari 16, 2015—Nzo ya Kulala D
Bampangi yina ke salaka kisalu ya kuran ke yidika bansinga ya kuran. Bo me tula dezia bansinga ya kuran bametre kuluta 12000 na banzo yonso ya kulala. Kisalu yai ya kuran yantikaka ntangu bo sumbaka kisika yai mpi yo ta landa kusalama tii ntangu kisalu ya kutunga ta mana.
Yanuari 16, 2015—Nzo ya Kulala A
Mpangi mosi ke tula papie mosi ya kele ti kole na ludi sambu na kuyidika kisika bo ta tula kima yina ta kanga masa nzila. Awa bo ke pakulaka kima mosi ya ke kotisaka ve masa na tubaludi yina kele na baetaze ya nsuka.
Yanuari 23, 2015—Nzo ya Kulala A
Tata mosi ti mwana na yandi ya nkento ke tula bansinga yina ta nata kuran na banzo ya kulala.
Februari 6, 2015—Nzo ya Kuyidika Bakaminio
Bampangi yina me sala kisalu ke dia na nzo yina bo me tungilaka bo sambu na mwa ntangu. Konso kilumbu, bo ke pesaka madia kuluta 2000.
Februari 12, 2015—Nzo ya Bo Ke Yidikaka Bima/Parking ya Bantu ya Betele
Bampangi ke tula bibende sambu na beton ya nsi ya ntoto ya banzo ya kuyidika bima.
Februari 12, 2015—Nzo ya Kulala C
Mikanda yina bana-fioti me sonika sambu na kumonisa ntonda na bampangi yina ke tunga. Bampangi mingi ya luzolo ya mbote ke salaka sambu na ntangu fioti. Nkutu, bampangi ya nkaka kiteso ya 500 ke kwisaka konso mposo. Na Februari, bampangi kiteso ya 2500 vandaka kusala na Warwick konso kilumbu.
Februari 24, 2015—Warwick
Bisalu mingi me mana. Banda Yanuari tii na Aprili 2015, banzo ya kulala mpi Babiro kumaka pene-pene na kumana. Na ntangu yina, bampangi yantikaka mpi kutula beton na Nzo ya Kuyidika Bima, kutunga banzila ya kuluta yina ke vukisa banzo ya kulala, mpi kuyidika kibaka yina vandaka na lweka ya dizanga.
Februari 25, 2015—Babiro
Mambu ya beto lenda mona kana beto kele na nsi ya nzo mosi ya nda. Bantu yina bo futaka mbongo tungaka nzo-zulu yai ya baetaze tanu mpi bampangi ya luzolo ya mbote tulaka beton.
Februari 26, 2015—Nzo ya Bo Ke Yidikaka Bima/Parking ya Bantu ya Betele
Kilumbu mosi yina madidi vandaka mingi, bantu ke tula bibende ya beton ya ntete. Kiteso ya basentimetre 127 ya neze bwaka na Warwick banda Yanuari tii na Marsi. Bantu yina ke katulaka baneze katulaka yo mpi bamasini yina ke pesaka tiya vandaka kupesa bampangi yina vandaka kusala kisalu tiya.
Marsi 12, 2015—Parking ya Banzenza
Bo ke kangisa manzanza ti bibende ya ludi yina bo salaka dezia na ntwala. Na nsuka ya Aprili, bo manisaka baludi mingi ya banzo ya kulala mpi bo tulaka yo. Bo ta tula baludi ya nsuka na Nzo ya Kulala B na kati-kati ya ngonda ya Yuni.
Marsi 18, 2015—Nzo ya Bo Ke Yidikaka Bima/Parking ya Bantu ya Betele
Mutindu Nzo ya Kulala B ke monana kana muntu kele na kati ya grue.
Marsi 18, 2015—Nzo ya Bo Ke Yidikaka Bima/Parking ya Bantu ya Betele
Bantu ya ke salaka kisalu ya plomberie ke tala plan na Garage ya Parking ya Bantu ya Betele. Bo ndimaka ba plan kuluta 3400 sambu na kisalu yonso ya kutunga.
Marsi 23, 2015—Babiro
Bampangi me mata na kima ya ke matisaka bantu sambu na kutula kapo yina ta tanina nzo. Bo ke pesaka baformasio mingi sambu na kuzikisa nde bampangi ke sadila mbote kima yina ya ke matisaka mpi bisadilu ya nkaka. Formasio yina ke tadila bima ya ke matisaka bantu, bisadilu ya bo ke bingaka nacelles ciseaux, bima yina ke taninaka bantu sambu bo bwa ve, bidimbu, ba-apareyi yina ke sadisaka bantu na kupema, mpi bima yina ke pesaka lukebisu.
Marsi 30, 2015—Warwick
Mutindu banzo ya kulala ke monana kana nge kele na ndambu ya westi. Na nsuka ya Aprili, bo vandaka kusala kisalu ya ngolo ya kutula bansinga ya kuran na Banzo ya Kulala A, B, mpi D. Tala foto. Na Nzo ya Kulala C, ya kele ve na foto yai, bo yantikaka kutedimisa bibaka ya kukabisa basuku, kutula bakaro mpi mukubu.
Aprili 15, 2015—Nzo ya Kulala B
Bampangi zole kele na zulu ya kima yina ke matisaka bantu mpi bo ke tula kima mosi na bibaka ya nganda ya ke taninaka kibaka na madidi. Sambu na kutula kima yina na konso nzo ya kulala, bo ke bakaka kiteso ya bangonda zole.
Aprili 27, 2015—Babiro
Bamaso ke tunga kibaka ya matadi. Na kitini yai, bo ta tula nzo ya kutula ti kubaka bima mpi bisalu mingi ya nkaka.
Aprili 30, 2015—Warwick
Muntu mosi ya ke kotaka na nsi ya masa ya bo futaka sambu na kukatula vanne ya ntama na Dizanga ya Ble mpi kutula ya mpa. Kana bo bweta kaka buto, masa lenda kulumuka sambu yo mata ve kana mupepe ya ngolo ke bula.
Nge Lenda Sepela Mpi Ti
NZOZULU YA NKENGI—NIMERO YA KULONGUKA
Bo Kudipesaka na Luzolo Yonso
Sambu na nki bankwelani yina vandaka kuzinga na nzo na bo ya nene yina bo vandaka kuzola mingi, basikaka na nzo yina mpi kumaka kuzinga na nzo ya fioti?
BISALU YA KUTUNGA
Warwick: Mutindu Bisalu Ke Kwenda na Ntwala 2
Bampangi ya luzolo ya mbote ya me katuka na bisika yonso ke sala kumosi sambu na kutunga kisika babiro ya nene ya Bambangi ya Yehowa ta vanda na bilumbu ke kwisa.