Bamvutu na Bangiufula ya Biblia
Zina ya Nzambi kele nani?
Konso muntu ya dibuta na beto ke vandaka ti zina na yandi. Ata nkutu bambisi yina ke yikanaka ti bantu ke vandaka ti bazina! Keti yo me fwana ve nde Nzambi kuvanda ti zina? Na Biblia, Nzambi kele ti batitre mingi mu mbandu, Nzambi Nkwa-Ngolo Yonso, Nkwa Kimfumu, mpi Ngangi, kansi yandi kele mpi ti zina na yandi.—Tanga Kubasika 3:14, noti na nsi ya lutiti.
Bambalula mingi ya Biblia kele ti zina ya Nzambi na Nkunga 83:18. Mu mbandu, na Biblia—Mbalula ya Nsi-Ntoto ya Mpa, verse yai ke tubaka nde: “Nge, ya kele na zina Yehowa, nge mpamba kele Muntu ya Kuluta Kuzanguka na zulu ya ntoto ya mvimba.”
Sambu na nki beto fwete sadila zina ya Nzambi?
Nzambi ke zolaka nde beto sadila zina na yandi. Ntangu beto ke solulaka ti bantu yina beto ke zolaka mu mbandu, banduku na beto ya ngolo beto ke bingaka bo na bazina na bo. Keti beto fwete sala ve mpidina ntangu beto ke solula ti Nzambi? Diaka, Yezu Kristu siamisaka beto na kusadila zina ya Nzambi.—Tanga Matayo 6:9; Yoane 17:26.
Kansi, sambu na kuvanda nduku ya Nzambi, beto fwete zaba mambu mingi kuluta kuzaba kaka zina na yandi. Mu mbandu, Nzambi kele nki mutindu? Keti beto lenda kwenda pene-pene na Nzambi? Nge lenda baka bamvutu ya bangiufula yai na Biblia.
Nge Lenda Sepela Mpi Ti
MALONGI YA MFUNU YA BIBLIA
Keti Nzambi Kele na Zina?
Nzambi kele ti batitre mingi, tanga mpi Nkwa-Ngolo Yonso, Ngangi, mpi Mfumu. Kansi, bo ke sadila zina ya Nzambi mbala kiteso ya 7 000 na Biblia.
BAMVUTU NA BANGIUFULA YA BIBLIA
Nzambi Kele ti Bazina Ikwa?
Bantu lenda yindula nde bazina ya Nzambi kele ‘Allah,’ ‘Alfa mpi Omega,’ ‘El Shaddai,’ mpi ‘Yehowa-Yire.’ Keti mutindu beto ke bingaka zina ya Nzambi kele mfunu mingi?
