Nkunga 118:1-29
118 Beno pesa Yehowa matondo, sambu yandi kele mbote;+Zola na yandi ya kwikama ke zingaka kimakulu.
2 Bika Izraele kutuba ntangu yai nde:
“Zola na yandi ya kwikama ke zingaka kimakulu.”
3 Bika bantu ya nzo ya Aroni kutuba ntangu yai nde:
“Zola na yandi ya kwikama ke zingaka kimakulu.”
4 Bika bantu yina ke waka Yehowa boma kutuba ntangu yai nde:
“Zola na yandi ya kwikama ke zingaka kimakulu.”
5 Mono bingaka Yah* na mpasi na mono;Yah ndimaka mpi nataka mono na kisika ya lutaninu.*+
6 Yehowa kele na lweka na mono; mono ta wa boma ve.+
Muntu lenda sala mono nki?+
7 Yehowa kele na lweka na mono bonso nsadisi na mono;*+Mono ta tala mutindu bantu yina ke mengaka mono ta bwa.+
8 Kutina na Yehowa kele mboteKuluta kutula ntima na bantu.+
9 Kutina na Yehowa kele mboteKuluta kutula ntima na bamfumu.+
10 Makanda yonso ziungaka mono,Kansi na zina ya YehowaMono kulaka bo.+
11 Bo ziungaka mono, ee, bo ziungaka mono na bandambu yonso,Kansi na zina ya YehowaMono kulaka bo.
12 Bo ziungaka mono bonso baniosi,Kansi bo fwaka nswalu bonso tiya na kati ya bansende.
Na zina ya YehowaMono kulaka bo.+
13 Bo* yinaka mono ngolo sambu mono bwa,Kansi Yehowa sadisaka mono.
14 Yah kele kisika na mono ya lutaninu mpi ngolo na mono,Mpi yandi me kuma luguluku na mono.+
15 Milolo ya kiese mpi ya luguluku*Kele na batenta ya bantu ya lunungu.
Diboko ya kitata ya Yehowa ke songa ngolo na yo.+
16 Diboko ya kitata ya Yehowa ke kudinangula;Diboko ya kitata ya Yehowa ke songa ngolo na yo.+
17 Mono ta fwa ve, ve, mono ta zinga,Sambu na kuzabisa bisalu ya Yah.+
18 Yah pesaka mono ndola ya ngolo,+Kansi yandi bikaka mono ve mono fwa.+
19 Beno kangudila mono bakielo ya lunungu;+Mono ta kota kuna mpi ta kumisa Yah.
20 Yai kielo ya Yehowa.
Bantu ya lunungu ta kotila na kielo yina.+
21 Mono ta kumisa nge, sambu nge pesaka mono mvutu+Mpi nge kumaka luguluku na mono.
22 Ditadi yina bantu ya ke tungaka losakaMe kumaka ditadi ya kinkonko ya ntete-ntete.*+
23 Ditadi yina katukaka na Yehowa;+Yo kele kima mosi ya kuyituka na meso na beto.+
24 Yai kilumbu yina Yehowa me salaka;Beto ta wa kiese mpi ta yangalala sambu na yo.
25 Yehowa, beto ke bondila nge, pardo gulusa beto!
Yehowa, nungisa beto, pardo!
26 Muntu yina ke kwisa na zina ya Yehowa kubaka lusakumunu;+Beto ke sakumuna nge na nzo ya Yehowa.
27 Yehowa kele Nzambi;Yandi ke pesaka nsemo.+
Beno vukana na ndonga ya bantu yina ke tambula na nkinsi ti balutangu na maboko,+Tii na bibongo ya mesa-kimenga.+
28 Nge kele Nzambi na mono, mpi mono ta kumisa nge;Nzambi na mono, mono ta pesa nge nkembo.+
29 Beno pesa Yehowa matondo,+ sambu yandi kele mbote;Sambu zola na yandi ya kwikama ke zingaka kima- kulu.+
Banoti na nsi ya lutiti
^ “Yah” kele zina ya Yehowa na bunkufi.
^ To “kisika mosi ya nene.”
^ To mbala ya nkaka, “kumosi ti bantu yina ke sadisaka mono.”
^ To mbala ya nkaka, “Nge.”
^ To “kununga.”
^ Na kisina, “ntu ya kinkonko.”
