Nkunga 150:1-6
150 Beno kumisa Yah,*+
Beno kumisa Nzambi na kisika na yandi ya santu.+
Beno kumisa yandi na zulu yina ke taka kimbangi* ya ngolo na yandi.+
2 Beno kumisa yandi sambu na bisalu na yandi ya ngolo.+
Beno kumisa yandi sambu na bunene na yandi ya kuluta mingi.+
3 Beno kumisa yandi ti makelele ya kibongo.+
Beno kumisa yandi ti kima ya kubudila miziki ya kele ti bansinga mpi ti kidare.+
4 Beno kumisa yandi ti ngoma ya fioti+ mpi makinu ya kuziunga.
Beno kumisa yandi ti bima ya kubudila miziki ya kele ti bansinga+ mpi ti musembu.+
5 Beno kumisa yandi ti basembale ya ke bula miziki ya kitoko.
Beno kumisa yandi ti basembale ya ke sala makelele ya ngolo.+
6 Konso kima ya ke pema—bika yo kumisa Yah.
Beno kumisa Yah!*+
Banoti na nsi ya lutiti
^ To “Aleluya!” “Yah” kele zina ya Yehowa na bunkufi.
^ Na kisina, “na mpwasa ya nene.”
^ To “Aleluya!” “Yah” kele zina ya Yehowa na bunkufi.
