Nkunga 26:1-12
Ya Davidi.
26 Sambisa mono, O Yehowa, sambu mono me tambula na kwikama na mono;+Mono me tudila Yehowa ntima kukonda kunikana.+
2 Tala mono, O Yehowa, mpi meka mono;Katula mvindu na bangindu na mono ya kati kibeni* mpi na ntima na mono.+
3 Sambu zola na nge ya kwikama kele ntangu yonso na ntwala na mono,Mpi mono ke tambula na kieleka na nge.+
4 Mono ke taka ve kinduku* ti bantu ya luvunu,+Mpi mono ke buyaka bantu yina ke bumbaka kimuntu na bo.*
5 Mono ke mengaka kuvukana ti bantu ya ke salaka mambi,+Mpi mono ke buyaka kuta kinduku* ti bantu ya mbi.+
6 Mono ta yobisa maboko na mono sambu na kusonga nde mono me sala mbi ve.Mpi mono ta tambula na nziunga ya mesa-kimenga na nge, O Yehowa,
7 Sambu makelele ya kisambu na mono ya kupesa matondo kuwakana+Mpi sambu na kuzabisa bisalu na nge yonso ya kuyituka.
8 Yehowa, mono ke zolaka nzo yina nge ke zingaka,+Kisika yina nkembo na nge kele.+
9 Kufwa mono* ve kumosi ti bansumuki+Kukatula mpi ve luzingu na mono ti bantu ya mubulu,*
10 Bayina maboko na bo ke salaka mambu ya nsoni,Mpi yina diboko na bo ya kitata me fuluka ti avoka.
11 Kansi mono, mono ta tambula na kwikama na mono.
Gulusa* mono mpi wila mono mawa.
12 Dikulu na mono me telama na ntoto ya kukonda ngumba;+Mono ta kumisa Yehowa na dibundu* ya nene.+
Banoti na nsi ya lutiti
^ To “mawi na mono ya kati kibeni.” Na kisina, “bapiku na mono.”
^ Na kisina, “ke vandaka ve.”
^ To “Mono ke vukanaka ve ti bankolami.”
^ Na kisina, “kuvanda.”
^ To “moyo na mono.”
^ To “ti bantu ya ke tiamunaka menga.”
^ Na kisina, “Sumbulula.”
^ Na kisina, “na balukutakanu.”
