Nkunga 27:1-14
Ya Davidi.
27 Yehowa kele nsemo na mono+ mpi luguluku na mono.
Mono fwete wa nani boma?+
Yehowa kele kisika ya ngolo ya lutaninu ya luzingu na mono.+
Mono fwete tekita na ntwala ya nani?
2 Ntangu bantu ya mbi nwanisaka mono sambu na kudia nsuni na mono,+Bantu yina vandaka kunwanisa mono mpi bambeni na mono bantu bulaka sakuba mpi bwaka.
3 Ata kimvuka ya basoda kutula camp sambu na kunwanisa mono,Ntima na mono ta wa boma ve.+
Kana bitumba kubwila mono,Ata na ntangu yina, mono ta landa kutula ntima.
4 Mono me lomba Yehowa kima mosiYo yina kima ya mono ta sosa,Nde mono zinga na nzo ya Yehowa bilumbu yonso ya luzingu na mono,+Sambu na kutala kitoko ya YehowaMpi sambu na kutala ti ntonda* tempelo na yandi.*+
5 Sambu yandi ta bumba mono na kisika na yandi ya lutaninu na kilumbu ya mpasi;+Yandi ta bumba mono na kisika ya kinsweki ya tenta na yandi;+Yandi ta tula mono na zulu ya ditadi.+
6 Ntangu yai ntu na mono kele kibeni na zulu ya bambeni na mono yina me ziunga mono;Mono ta pesa bimenga na tenta na yandi ti milolo ya kiese;Mono ta yimba bankunga* sambu na kukumisa Yehowa.
7 Wa mono, O Yehowa, ntangu mono ke boka,+Wila mono mawa mpi pesa mono mvutu.+
8 Ntima na mono me tuba sambu na nge nde:
“Sosa luse na mono.”
Mono ta sosa luse na nge, O Yehowa.+
9 Kubumbila mono ve luse na nge.+
Kukula ve nsadi na nge na makasi na nge.
Nge kele nsadisi na mono;+Kuyambula mono ve mpi kubikisa mono ve, Nzambi na mono ya luguluku.
10 Ata kana tata mpi mama na mono kubuya mono,+Yehowa yandi mosi ta baka mono.+
11 Longa mono na nzila na nge, O Yehowa,+Twadisa mono na nzila ya kusungama sambu na bambeni na mono.
12 Kupesa mono ve na maboko ya bambeni na mono,*+Sambu bambangi ya luvunu me telama sambu na kunwanisa mono,+Mpi bo ke pesa mono boma na nku yonso.
13 Mono zolaka kuvanda na wapi kana mono vandaka ve na lukwikiluSambu mono mona bumbote ya Yehowa na insi ya bantu ya moyo?*+
14 Tula kivuvu na Yehowa;+Vanda kikesa mpi ngolo na ntima.+
Ee, tula kivuvu na Yehowa.
Banoti na nsi ya lutiti
^ To “sambu na kutala mpi kuyindulula.”
^ To “kisika na yandi ya santu.”
^ To “ta bula miziki.”
^ To “na moyo ya bambeni na mono.”
^ To mbala ya nkaka, “Mono ke kwikila kibeni nde mono ta mona bumbote ya Yehowa na insi ya bantu ya moyo.”
