Nkunga 54:1-7
-
Kisambu sambu na kulomba lusadisu ntangu beto kele na kati ya bambeni
-
“Nzambi kele nsadisi na mono” (4)
-
Na ntwadisi; ya kuyimba ti bima ya kubudila miziki ya kele ti bansinga. Maskile.* Ya Davidi, ntangu bantu ya Zifi kwisaka kuzabisa Saule nde: “Davidi me bumbana na kati na beto.”+
54 O Nzambi, gulusa mono na zina na nge,+Mpi nwanina mono*+ ti ngolo na nge.
2 O Nzambi, wa kisambu na mono;+Tula dikebi na bangogo ya munoko na mono.
3 Sambu banzenza me telama sambu na kunwanisa mono,Mpi bantu ya nku ke sosa luzingu* na mono.+
Bo kele ve na luzitu sambu na Nzambi.*+ (Sela)
4 Nzambi kele nsadisi na mono;+Yehowa kele ti bantu yina ke pesa mono* maboko.
5 Yandi ta vutudila bambeni na mono+ mambu na bo mosi ya mbi;Sukisa bo* na kwikama na nge.+
6 Mono ta tambikila nge+ kimenga na luzolo yonso.
Mono ta kumisa zina na nge, O Yehowa, sambu yo kele mbote.+
7 Sambu yandi ke gulusa mono na bampasi yonso,+Mpi mono ta tala mutindu bambeni na mono ta bwa.+
Banoti na nsi ya lutiti
^ Tala Bantendula ya Bangogo.
^ To “samba diambu na mono.”
^ To “moyo.”
^ To “Bo ke tula ve Nzambi na ntwala na bo.”
^ To “moyo na mono.”
^ Na kisina, “Kangisa bo munoko.”
