Nkunga 69:1-36
Na ntwadisi; ya bo me tula na “Bintuntu ya Lisi.” Ya Davidi.
69 Gulusa mono, O Nzambi, sambu bamasa ke tula luzingu na mono na kigonsa.*+
2 Mono me dinda na poto-poto ya mudindu, kisika ntoto ya ngolo kele ve.+
Mono me kota na bamasa ya mudindu,Mpi masa yina ke kulumuka nswalu me nata mono.+
3 Mono me lemba na kubinga;+Mungungu na mono me yuma.
Meso na mono me lemba ntangu mono ke vingila Nzambi na mono.+
4 Bantu yina ke mengaka mono kukonda kikuma+Kele mingi kuluta nsuki ya ntu na mono.
Bantu yina zolaka kufwa mono,Bambeni na mono yina ke teka mono* me kuma mingi.
Bo pusaka mono na ngolo na kuvutula bima yina mono yibaka ve.
5 O Nzambi, nge me zaba buzoba na mono,Mpi mbi na mono kele ve ya kubumbana na ntwala na nge.
6 Bika bantu yina ke tulaka kivuvu na nge, kubaka ve nsoni sambu na mono,O Mfumu ya Kuluta Nene, Yehowa ya makesa.
Bika bantu yina ke sosaka nge kubaka ve nsoni sambu na mono,O Nzambi ya Izraele.
7 Bo ke finga mono sambu na nge;+Nsoni me simba luse na mono.+
8 Mono me kuma munzenza na bampangi na mono,Mpi munzenza na bana ya mama na mono.+
9 Kikesa sambu na nzo na nge ke pela na kati na mono bonso tiya,+Mpi mafingu ya bantu yina ke finga nge me bwila mono.+
10 Ntangu mono* kudikulumusaka ti kubuya madia,*Bo fingaka mono sambu na yo.
11 Ntangu mono kumisaka saki lele na mono,Mono kumaka kima yina bo ke vweza.*
12 Bantu yina me vanda na kielo ya mbanza ke tuba-tuba sambu na mono,Mpi bantu yina ke lawukaka malafu me kumisa mono ntu-diambu ya bankunga na bo.
13 Kansi bika kisambu na mono kukumina nge,O Yehowa, na ntangu ya me ndimama.+
Na zola na nge ya kwikama ya mingi, O Nzambi,Pesa mono mvutu sambu nge ke gulusaka kibeni.+
14 Basisa mono na poto-poto;Kubika ve nde mono dinda.
Katula mono na maboko ya bantu yina ke mengaka monoMpi na bamasa ya mudindu.+
15 Kubika ve nde bamasa ya mvula ya ngolo yina ke kulumuka nswalu kunata mono,+To nde mudindu kumina mono,To nde dibulu kukanga mono na munoko na yo.+
16 Pesa mono mvutu, O Yehowa, sambu zola na nge ya kwikama kele mbote.+
Na kutadila mawa na nge ya nene baluka na ndambu na mono,+
17 Mpi kubumbila ve nsadi na nge luse na nge.+
Pesa mono mvutu nswalu, sambu mono kele na mpasi.+
18 Kwisa pene-pene na mono mpi gulusa mono;*Sumba mono diaka na maboko ya bambeni na mono.
19 Nge me zaba mutindu bo ke finga mono, ke pesa mono nsoni, mpi ke kulumusa mono.+
Nge ke mona bambeni na mono yonso.
20 Mafingu me pasula ntima na mono, mpi mputa yina lenda beluka ve.*
Mono vandaka kutula kivuvu nde bo ta wila mono mawa, kansi muntu vandaka ve,+Mpi nde bantu ya ke lembikaka ta vanda, kansi mono monaka muntu ve.+
21 Kansi na kisika ya madia, bo pesaka mono ndikila,*+Mpi ntangu mono vandaka na nzala ya masa, bo pesaka mono masa ya ngani sambu na kunwa.+
22 Mesa na bo kukuma mutambu sambu na bo,Mpi kimvwama na bo kukuma bukondi.+
23 Meso na bo kukuma mpimpa sambu bo mona ve,Mpi sala nde baluketo na bo kutekita ntangu yonso.
24 Monisila bo makasi* na nge,Mpi bika nde nge wila bo makasi ya ngolo.+
25 Bika nde camp na bo* kubikala mpamba;Mpi muntu mosi ve kuzinga na batenta na bo.+
26 Sambu bo ke landa muntu yina nge bulaka,Mpi bo ke landa kutubila bampasi ya bantu yina nge lwadisaka.
27 Yika mbi mingi na mbi na bo,Mpi bika bo vanda ve ti dikabu na lunungu na nge.
28 Bika bo vwansa bazina na bo na mukanda ya bantu ya moyo,*+Mpi bika bo sonika ve bazina na bo na kati ya bantu ya lunungu.+
29 Kansi mono ke niokwama mpi ke mona mpasi.+
Bika nde ngolo na nge ya kugulusa, O Nzambi, kutanina mono.
30 Mono ta yimba bankunga sambu na kukumisa zina ya Nzambi,Mpi mono ta kumisa yandi ti makabu ya kupesa matondo.
31 Yo ta pesa Yehowa kiese kuluta ngombe ya bakala,Kuluta mwana-ngombe ya bakala ya kele ti bibongo mpi maboto.+
32 Bantu ya kudikulumusa ta mona yo mpi ta yangalala.
Beno bantu yina ke sosa Nzambi, bika nde bantima na beno kuvutuka na luzingu.
33 Sambu Yehowa ke waka bansukami,+Mpi yandi ta vweza ve bantu na yandi yina kele na kimpika.+
34 Bika nde zulu ti ntoto kukumisa yandi,+Banzadi-mungwa mpi bima yonso yina ke tambulaka na kati na yo.
35 Sambu Nzambi ta gulusa Sioni+Mpi yandi ta tunga diaka bambanza ya Yuda,Ebuna bo ta zinga kuna mpi ta baka yo.*
36 Bana ya bansadi na yandi ta baka yo bonso dikabu,+Mpi bantu yina ke zolaka zina na yandi+ ta zinga na kati na yo.
Banoti na nsi ya lutiti
^ To “me kuma tii na moyo na mono.”
^ To “Bambeni na mono ya kukonda kikuma.”
^ To “moyo na mono.”
^ To mbala ya nkaka, “Ntangu mono dilaka mpi buyaka madia.”
^ Na kisina, “kumaka kingana sambu na bo.”
^ To “Kwisa pene-pene ya moyo na mono mpi sumbulula yo.”
^ To “mpi mono me konda kivuvu.”
^ To “nti ya ndikila.”
^ To “nganzi.”
^ To “camp na bo ya kele ti bibaka.”
^ To “mukanda ya luzingu.”
^ Disongidila, insi yina.
