Mika 4:1-13
4 Na kitini ya nsuka ya bilumbu,*Ngumba ya nzo ya Yehowa+Ta tulama ngolo na zulu ya nsongi ya bangumba ya nene,Yo ta tombuka na zulu ya bangumba ya fioti,Mpi bantu ta kwisa kufuluka kuna.+
2 Ebuna makanda mingi ta kwenda mpi ta tuba nde:
“Beno kwisa, beto tombuka na ngumba ya YehowaMpi na nzo ya Nzambi ya Yakobi.+
Yandi ta longa beto banzila na yandi,Mpi beto ta tambula na banzila na yandi.”
Sambu nsiku* ta basika na Sioni,Mpi ndinga ya Yehowa ta basika na Yeruzalemi.
3 Yandi ta zenga makambu na kati ya bantu mingi+Mpi ta tula mambu na ndonga* sambu na makanda ya ngolo yina kele ntama.
Bo ta kumisa bambele na bo ya bitumba bima ya kubundudila ntotoMpi bo ta kumisa makonga na bo bakupu-kupu.+
Dikanda mosi ta nangula ve mbele ya bitumba sambu na kunwanisa dikanda ya nkaka,Bo ta longuka mpi diaka ve bitumba.+
4 Bo ta vanda,* konso muntu na nsi ya nti na yandi ya vinu mpi na nsi ya nti na yandi ya bafige,+Ata muntu mosi ve ta pesa bo boma,+Sambu munoko ya Yehowa ya makesa me tuba.
5 Sambu bantu yonso ta tambula, konso muntu na zina ya nzambi na yandi,
Kansi beto, beto ta tambula na zina ya Yehowa Nzambi na beto+ mvula na mvula.
6 “Na kilumbu yina,” Yehowa muntu ke tuba,“Mono ta vukisa muntu* yina vandaka kutambula kifu,Mpi mono ta vukisa muntu yina panzanaka,+Kumosi ti bantu yina mono sadilaka mambu na nku.
7 Mono ta sala nde muntu* yina vandaka kutambula kifu kubikala,+Mpi mono ta sala nde muntu yina kele ntama kibeni kukuma dikanda ya ngolo;+Mpi Yehowa ta yala bonso ntotila na bo na Ngumba ya Sioni,Yantika bubu yai mpi kimakulu.
8 Kansi nge, O nzo-zulu ya bitwisi,Mwa-ngumba ya mwana-nkento ya Sioni,+Yo ta kwisa na nge, ee, luyalu ya ntete* ta kwisa,+Kimfumu yina kele ya mwana-nkento ya Yeruzalemi.+
9 Ntangu yai, sambu na nki nge ke tula milolo na ndinga ya ngolo?
Keti nge kele ve ti ntotila,To keti ndongisi na nge me fwaka,Sambu mpasi kusimba nge bonso nkento yina ke buta?+
10 Baluka-baluka na mpasi mpi dila, O mwana-nkento ya Sioni,Bonso nkento yina ke buta,Sambu ntangu yai, nge ta katuka na mbanza mpi nge ta kwenda kuzinga na nseke.
Nge ta kwenda tii na Babilone,+Mpi bo ta gulusa nge kuna;+Kuna Yehowa ta sumba nge diaka na maboko ya bambeni na nge.+
11 Ntangu yai, makanda mingi ta vukana sambu na kunwanisa nge;Bo ta tuba nde, ‘Bika yandi kuma mvindu,Mpi bika meso na beto kumona ntangu diambu yai ke kumina Sioni.’
12 Kansi bo ke zaba ve mabanza ya Yehowa,Bo ke bakisa ve lukanu* na yandi;Sambu yandi ta vukisa bo bonso ndonga ya bambuma ya bo me katuka kuzenga na kisika ya bo ke tutaka bambuma sambu na kukatula yo bampusu.
13 O mwana-nkento ya Sioni, telama mpi tuta bambuma sambu na kukatula yo bampusu;+Sambu mono ta kumisa bibongo na nge kibende,Mpi mono ta kumisa maboto na nge kwivre,Mpi nge ta nika bantu mingi.+
Nge ta pesa Yehowa bima na bo ya bo bakaka na banzila ya luvunu,Mpi nge ta pesa bima na bo na Mfumu ya kieleka ya ntoto ya mvimba.”+
Banoti na nsi ya lutiti
^ Na kisina, “Na bilumbu ya nsuka.”
^ To “malongi.”
^ To “ta sungika mambu.”
^ To “ta zinga.”
^ Na kisina, “nkento.”
^ Na kisina, “nkento.”
^ To “ya ntama.”
^ To “ndongisila.”
